Inicio

A Oficina de Dereitos Sociais de Coia (ODS-Coia) remata a súa actividade. A tarefa que iniciamos o setembro de 2007 acaba pasados 16 anos. Uns últimos cursos con menor actividade e forzas, fixeron que pensaramos que o mellor era botar o peche.

Compartimos o acontecido na 6ª edición da escola de acción social crítica e transformadora celebrada o 7-8-9 de xullo en Coia.

En tres crónicas resumimos as xornadas da escoliña celebrada nos locais parroquiais do "Cristo da Vitoria":

Mañá, venres 25 de xaneiro, comeza o movemento polo dereito a vivir dignamente, o movemento pola RBis. O traballo que diferentes colectivos sociais de Galiza da os seus froitos coa andaina desta 1ª Semana Galega pola Renda Básica das Iguais.

Entre o 25 ao 31 de xaneiro, en case unha decena de cidades e vilas galegas, realizaranse presentacións do libro “Repartindo a nosa riqueza”, publicación que saíu á luz o pasado mes de decembro e que expón os resultados do estudo da viabilidade da implantación da Renda Básica das Iguais en Galiza (RBis).

Recordamos que a Renda Básica das Iguais consiste no dereito que ten cada persoa a percibir periodicamente uns ingresos que lle permita cubrir as súas necesidades e que ha de percibirse de xeito individual; universal e incondicional e cuxa contía económica sexa, polo mínimo, igual ao limiar de pobreza. As vías para acadar os ingresos necesarios para implantación deste dereito consisten na re-asignación do gasto público e na reforma do sistema fiscal.

Hai unhas semanas un xornalista de Novas da Galiza viu ao barrio para manter unha entrevista con Diego da O

Hoxe 22 de xaneiro, un grupo de veciños e veciñas da cidade presentámonos no despacho da xefa das traballadoras sociais do concello de Vigo ante a falta de resposta á petición das bases das axudas económicas de emerxencia. Peticións que fixeron persoas diferentes e en varias ocasións, as últimas nos meses de outubro e novembro do pasado ano.

Pese a non levar cita fomos atendidos e saímos coas citadas bases, que achegamos como arquivo .pdf nesta entrada. A técnica manifestou que non sabía nada desas peticións, que as bases para 2013 aprobáronse en xunta de goberno hai uns días e que eran públicas. A rapidez e sinxeleza da entrega de hoxe, choca co silencio ás peticións feitas por escrito.

As compañeiras de Compostela organizan un obradoiro incluído na 1ª Semana Galega pola RBis e que leva por título: "Rachar coa centralidade do emprego, apostar pola centralidade da vida". A Renda Básica das Iguais desde unha ollada feminista.

SÁBADO 26 DE XANEIRO - 16:30hs - Libraría Lila de Lilith (Rúa Travesa 7. Compostela)

Durante as Xornadas Ecofeministas que tiveron lugar no mes de decembro en Compostela, un puñado de mulleres feministas comezamos a accionar o noso interese por coñecer e discutir a proposta da Renda Básica das Iguais.

Estimuladas pola recente publicación do estudo da viabilidade social e económica para implementar esta ferramenta de reparto da riqueza no noso territorio, e desde a rabia e a rebeldía contra a escalada de empobrecemento, marxinación e violencia que está a castigarnos e máis á nosa xente; desde a insumisión ao proceso de precarización das nosas vida e dos nosos desexos, da tentativa de expropiarnos cada día un anaco máis de poder sobre nos mesmas, o noso corpo e a nosa existencia; desde ese estado de desobediencia e movemento creativo cara a outros xeitos de vivir, decidimos organizar este obradoiro.

Movéndonos polo dereito a vivir dignamente, movéndonos pola RBis! Con este lema as xentes de Baladre e colectivos parceiros avanzamos a programación da 1ª Semana Galega pola Renda Básica das Iguais.

O pasado mes de decembro, co galo da presentación en Compostela do libro “Repartindo a nosa riqueza”, que expón os resultados do estudo de viabilidade da RBis en Galiza, as persoas que vimos dinamizando a proposta no noso territorio decidimos dar uns cantos pasiños máis.

De cara a xerar debate sobre a utilidade desta ferramenta a hora de dar resposta á precarización que afoga a cada vez máis persoas – segundo os últimos datos do IGE, ao remate do 2012, seis de cada dez fogares galegos recoñecían a enorme dificuldade que supón chegar a fin de mes-, e a gravísima situación de exclusión na que se atopan outras moitas, propuxémonos movernos polo dereito a unha vida con dignidade e igualdade.

Unha compañeira que colabora en praza.com estivo falando a pasada semana na ODS-Coia e froito desa conversa publicou a seguinte reportaxe:

A Parroquia Cristo da Victoria, a Oficina de Dereitos Sociais de Coia e o Grupo de Axitación Social  traballan desde hai anos para facer posíbel a utopía dunha vida digna desde a realidade deste barrio vigués. No último mes convocaron unha cadea humana percorrendo Coia e unha concentración fronte ao Concello para manifestar “que estamos cansas de non chegar a fin de mes, de non poder pagar recibos, de que nos digan que non hai cartos, temos dereitos. Fixemos coincidir estas mobilizacións coa negociación dos orzamentos do concello de Vigo, porque cando se estaba a falar dos cartos das viguesas, tiñamos que demandar para que se invista máis nas persoas”, explica Diego Lores, da ODS de Coia. Conversamos con Lores para coñecer máis de perto a realidade deste traballo invisibilizado e en minúsculas destes colectivos sociais fronte á pobreza.

Esta semana coincidindo coa presenza en Vigo de Félix Coeln, candidato ao Parlamento Nacional de Alemaña polo Partido Pirata Alemán, teremos a oportunidade de escoitalo en tres charlas sobre Renda Básica.

- Martes 8 de xaneiro ás 20h00 na Cova dos Ratos (Romil 3 baixo)

- Venres 11 de xaneiro ás 18h00 na Asociación Ser Hacer (Praza Sta Rita 3, baixo)

- Sábado 12 de xaneiro ás 18h00 na AAVV Feira do Cabral (Riomao, 21)

Nas charlas falarase de Renda Básica, que é? como se pode levar a cabo? experiencias de RB noutros territorios, etc. E tamén de aspectos como traballo e ingresos, da situación en España e en Europa, do dereito a unha vida digna, das necesidades básicas, do futuro do emprego e de cales serán as consecuencias do desenvolvemento tecnolóxico. Todo isto e moito máis...

Cando vimos de saber que Galiza é o territorio no que máis subiu o paro no mes de decembro e que a Xunta propón un recorte de case 500 millóns de euros no gasto social para o 2013, novas que contrastan co anuncio de que o Amancio Ortega segue a incrementar indecentemente a súa fortuna, as xentes de Baladre pulamos por comezar o ano apostando pola renda básica galega.

Como xa dimos conta, o pasado 14 de decembro tivo lugar en Compostela a presentación do libro "Repartindo a nosa riqueza".

Mentres que pola maña tocou presentar os resultados do estudo aos medios de comunicación, acto ao que tamén compareceron integrantes do grupo parlamentario AGE, pola tarde estivemos no centro social Arredista onde ao redor dunha vintena de activistas sociais discutiron sobre os elementos que definen a proposta e o impacto que a súa aplicación puidera ter na poboación galega.

Hai unhas semanas Manolo S. Bayona mandou un artigo titulado "Desobedecer para ser personas" no que reflexiona sobre a actualidade e necesidade deste xeito de afrontar a vida. A modo de prólogo do texto publicamos o texto de Marieta Manso que leva por título "Desobedecer":

Para cambiar las cosas hace falta desobedecer, pero hay que conseguir algunas pértigas que nos ayuden a saltar por encima del miedo paralizante.

Hay tres pértigas fundamentales,

Una es la pértiga que da la rabia que se siente al ver cómo las injusticias se hacen visibles en los cuerpos de otros. En nuestros propios cuerpos.

Otra es la ilusión por saber que se puede construir algo diferente.

Y la tercera es la pértiga de la fiel esperanza.

Hacen falta muchas pértigas, porque somos muchas y muchos los que tenemos que saltar por encima de nuestros miedos para desobedecer, colectivamente, frente al sinsentido y la barbarie que se está instalando en nuestras calles.

O pasado venres 14 de decembro as xentes de Baladre presentamos o estudo de viabilidade da renda básica das iguais en Galiza.

Imaxínate que todas recibíramos unha cantidade de cartos mensuais que nos permitise cubrir as nosas necesidades.

Dende a ODS-Coia expresamos o noso apoio á iniciativa de varios colectivos e persoas nacida estes días en Canarias baixo o nome de "Canarias por la Renta Básica de las Iguales".

Para comezar esta andaina fixeron unha "ocupación de la Cámara de Comercio, de manera simbólica, para exigir que el dinero de la Reserva de Inversiones de Canarias (RIC) sea destinado a las personas y no a la prevaricación de los grandes empresarios, nace Canarias por la Renta Básica de las Iguales (RBis). Canarias porla RBis es una coordinación de personas y organizaciones sociales, que mediante campañas de información y acciones, surge para exigir la aplicación de La Renta Básica de las Iguales en Canarias y para visualizar, quién tiene y dónde se encuentra la riqueza en Canarias. Sin el reparto de la riqueza que se genera y que nos pertenece a todas las personas que aquí vivimos, no puede haber justicia social. Sin acabar con el sistema capitalista que nos oprime y esclaviza no hay salida posible."