concello

O VENRES 12 de decembro a asemblea aberta de Coia convoca unha MANIFESTACIÓN baixo o lema: NON PODE SER, O BARCO NA ROTONDA E AS FAMILIAS SEN COMER!

Sairá desde a Praza de América ás 19:00 para chegar, logo de percorrer a avenida de Castelao, á rotonda de Coia onde remataremos cunha concentración e dando lectura ao manifesto.

O goberno municipal quere chantar o barco “Alfageme” na rotonda de Castelao. Os medios de comunicación falan dun orzamento de 300.000 euros, e parte da veciñanza do barrio decidimos paralizar as obras, xa que rexeitamos de cheo esta inmoralidade do goberno municipal.

Tras analizar as bases do “Programa municipal de axudas extraordinarias a familias para gastos de aloxamento, subministros e alimentación- 2014”, coñecido como “cheque social”, aprobadas en Xunta de Goberno extraordinaria o pasado 30 de maio, sentímonos na obriga de denunciar que, como resposta do Concello de Vigo ante o empobrecemento brutal que está a padecer a cidadanía, este programa resulta totalmente insuficiente e inxusto, non só pola evidente e mesmo insultante escaseza da contía orzamentaria, senón tamén polo seu carácter eminentemente restritivo tanto no que ten que ver cos ingresos máximos das persoas potencialmente beneficiarias, como nos anos de empadroamento esixidos.

No contexto dunha situación de precariedade e empobrecemento crecentes da poboación, con 35.000 persoas desempregadas e 3.000 expedientes de axudas de emerxencia municipais bloqueados, a diminución do orzamento en máis dun 40% e o endurecemento das esixencias para acceder a estas axudas resulta dunha falta de sensibilidade e unha irresponsabilidade abraiantes.

Esta mañá ás 11:30 horas medio cento de persoas concentrámonos no Concello de Vigo convocadas pola Oficina de Dereitos Socias-Coia, a Parroquia Cristo da Victoria e o Grupo de Axitación Social (GAS) para denunciar unha vez máis a indefensión á que nos enfrontamos con frecuencia as persoas que nos achegamos aos Servizos Sociais municipais para solicitar Axudas de Emerxencia Municipais (AEM), destinadas a sufragar necesidades sociais tan elementais como vivenda, alimentación, vestimenta...

Unha vez alí fixemos unha entrega colectiva no Rexistro dun escrito dirixido aos Valedor do Cidadán, ao Valedor de Pobo e ao Defensor del Pueblo no que lles solicitamos que interveñan para poñer fin ao funcionamento arbitrario e inxusto dos Servizos Sociais do Concello de Vigo no tocante ás Axudas de Emerxencia Social (AEM).

Volvemos e volveremos ao concello -e a onde sexa necesario- para defender os nosos dereitos, que a través da concellaría que dirixe Isaura Abelairas, négase a recoñecer aqueles máis básicos. A razón é a indefensión á que nos enfrontamos con frecuencia as persoas que nos achegamos aos servizos sociais municipais para solicitar Axudas de Emerxencia Municipais (AEM ), que son aquelas destinadas a sufragar necesidades sociais tan elementais como: vivenda, alimentación, vestimenta...

Cansas de que non escoiten, decidimos facer unha entrega colectiva e pública dun escrito dirixido a: Valedor do Cidadán, Valedor do Pobo e Defensor del Pueblo no que lles solicitamos que poñan fin ao funcionamento arbitrario e inxusto dos servizos sociais do Concello de Vigo no tocante ás Axudas de Emerxencia Municipais.

Por estas razóns a ODS-Coia, a Parroquia do Cristo da Victoria e o Grupo de Axitación Social convocamos unha CONCENTRACIÓN o XOVES 6 de febreiro ás 11h30 no CONCELLO (Praza do Rei), para logo entrar xuntas no rexistro e facer ENTREGA do ESCRITO de DENUNCIA.

A Oficina de Dereitos Sociais de Coia e a Parroquia Cristo da Victoria vimos denunciando dende hai tempo, máis aló da absoluta insuficiencia dos recursos económicos destinados por Concello e Xunta a paliar a grave situación de empobrecemento da cidadanía, o funcionamento arbitrario e inxusto dos Servizos Sociais do Concello de Vigo no tocante ás Axudas de Emerxencia Municipais (AEM), destinadas a persoas ou familias en situación de necesidade social para sufragar gastos persoais, de vivenda, aloxamento, alimentación e atención sanitaria.

No contexto desa denuncia pública, consideramos imprescindible deixar constancia por escrito da realidade de indefensión á que nos enfrontamos con frecuencia as persoas que nos achegamos ás UTS para solicitar unha AEM.

A revista A Boia vén de publicar un texto sobre a cuestión das axudas de emerxencia social no Concello de Vi

Achegamos o texto: Os cartos de todas para todas! publicado na revista A Boia sobre as axudas de emerxencia do concello de Vigo e o seu nefasto funcionamento para a cidadanía:

O dicimos na rúa, o dicimos con razóns, o dicimos colectivamente e non pararemos ata que os poderes sintan que roubarnos as nosas vivendas, a nosa saúde, a nosa educación, as nosas pensións, os nosos dereitos, as nosas VIDAS... non lles vai ser doado.

Só en Galiza hai máis de 650.000 persoas por baixo do limiar da pobreza, mentres unhas poucas familias acumulan a riqueza de todas de modo insultante. Pero a crúa realidade que vivimos pode ter outra cara se somos quen de aglutinar forzas que traballen arreo pola transformación radical deste sistema asasino.

Hoxe 15 de decembro ás 13:15 horas centos de persoas, convocadas pola ODS-Coia, a Parroquia Cristo da Victoria e o Grupo de Axitación Social (GAS), formaron unha cadea humana que saíu da Parroquia Cristo da Victoria e avanzou ao longo da Avenida Castelao baixo o lema “Os cartos de todas para todas!”, co obxectivo de esixir uns orzamentos xustos para Vigo e Galiza. A cadea humana culminou o seu percorrido coa lectura do seguinte manifesto:

Os cartos de todas para todas! O dicimos na rúa, o dicimos con razóns, o dicimos colectivamente e non pararemos ata que os poderes sintan que roubarnos as nosas vivendas, a nosa saúde, a nosa educación, as nosas pensións, os nosos dereitos, as nosas VIDAS… non lles vai ser doado. Só en Galiza hai máis de 650.000 persoas por baixo do limiar da pobreza, mentres unhas poucas familias acumulan a riqueza de todas de modo insultante. Pero a crúa realidade que vivimos pode ter outra cara se somos quen de aglutinar forzas que traballen arreo pola transformación radical deste sistema asasino.

Os cartos de todas para todas! Seis palabras, que tentan explicar unha idea sinxela, que semella que para os poderes non o é tanto.

Temos a experiencia de a mobilización social e a constancia son sinónimo de conquistas sociais. Por iso, como hai un ano, volvemos a chamar á nosa veciñanza (do barrio e da cidade) a unirse nunha cadea humana para esixir uns orzamentos xustos para Vigo e Galiza. Xuntas somos máis fortes fronte a uns poderes que enchen os petos cos cartos que apañan dos nosos salarios, das nosas pensións, da nosa educación, dos servizos sociais...

Dende a Oficina de Dereitos Sociais de Coia e a Parroquia do Cristo da Victoria denunciamos o funcionamento arbitrario e inquisidor dos Servizos Sociais do Concello de Vigo, máis concretamente no tocante ás coñecidas como Axudas de Emerxencia Municipais (AEM).

O Departamento de Políticas de Benestar Social, que dirixe a concelleira Isaura Abelairas, presentou para o ano 2013 un orzamento de 445.000 € destinados ao Programa de Subvencións Directas Individuais de Emerxencia do Concello de Vigo. Dentro deste programa aprobáronse as bases reguladoras destas axudas, en Xunta de Goberno Local de 28/12/2012.

Resulta curioso atoparse con textos -coma a carta que achegamos- que nos falan de situacións idénticas ás que estamos a vivir nestes días en Coia. Como en Argilan, estivemos tamén con persoas que chegaron a nós a través da traballadora social do concello a cal lles indicou que nós lles podiamos botar unha man en cuestións de RISGA.

A nosa ollada mira moitas veces para Euskadi por reflexións e experiencias coma esta. Moitas colectivos e persoas levannos anos de adianto na loita polos dereitos sociais. Por exemplo, reivindicacións como a de esixir constancia por escrito da tramitación de axudas sociais municipais son batallas nas andiveron xentes daquelas terras, e que ademais gañaron.

Achegamos o texto que limos hoxe na concentración que fixemos na praza do Rei diante do Concello de Vigo.

"Menos rollos, máis solucións"

O pasado xoves, 17 de outubro, celebrouse o Día Internacional para a Erradicación da Pobreza. A Oficina de Dereitos Sociais de Coia, a Parroquia Cristo da Victoria e o Grupo de Axitación Social (GAS), queremos celebrar publicamente esa data que nós rebautizamos como Día contra a riqueza. A riqueza acumulada nas mans duns poucos, unha riqueza que non fai máis que medrar a costa dunha maioría de persoas cada vez máis ampla que padece a crecente precarización das súas condicións de vida.

Baladre

Nosotras las Personas

Asociación Contra a Exclusión Social Alambique

Renta Básica das iguais