Inicio

Este mércores 26 de xaneiro lánzase a segunda fase da campaña: "Normalizar os Dereitos". O Foro Galego de Inmigración xunto a outros colectivos da Galiza fan unha chamada de atención sobre que moitos dereitos están por normalizar.

Levamos seis meses de Ingreso Mínimo Vital (IMV) e o Concello de Vigo aínda non foi quen de garantir que as beneficiarias desta renda accedan á tarxeta social de VITRASA. Ordenanzas e contratos sempre son difíciles de modificar cando as mudanzas supoñen novos dereitos para a veciñanza.

Achegamos o mapexo de Iniciativas Críticas de Traballo Social no Estado Español elaborado por Guisella Moreno Martín dentro do traballo de investigación presentado no seu traballo de fin de mestrado.

Varios colectivos da Galiza lanzamos a campaña "Normalizar dereitos" que ao longo de varias semanas pretende sensibilizar e denunciar a situación que padecen persoas migradas, refuxiadas e racializadas.

Máis de 3.000 organizacións e movementos sociais quixemos expresar a importancia do acceso aos servizos básicos de auga, luz e gas, e esiximos ao Goberno do Estado a recuperación da moratoria de cortes en pleno estado de alarma e pandemia mundial a través dun manifesto.