RBis

A Renda Básica das Iguais

Dende a ODS-Coia asumimos a defensa e a mellora da proposta da Renda Básica das Iguais (RBis), tarefa na que non faltan os apoios de moitos grupos e colectivos.

Definimos a RBis como o dereito que ten cada cidadán e cada cidadá, polo feito de nacer, a percibir unha cantidade periódica para cubrir as súas necesidades materiais.

Non obstante, para convertela en algo máis que unha declaración de principios, á definición engadímoslle unhas características, estruturais e de opción política, que a converten nun instrumento de acción política e social, así como nun mecanismo que garante a redistribución da renda. Estas características especifican que a RBis ha de ser individual (non familiar); universal (non contributiva e para todos); incondicional (independente do nivel de ingresos e do mercado de traballo); a contía ha de ser polo menos igual ao albor de pobreza e recibir cada persoa a mesma cantidade; unha parte da RBis percibirase en man e a outra en forma de bens de uso colectivo; a maioría das prestacións sociais actuais suxeitas a control e gasto burocrático quedarán refundidas na RBis; e como instrumento de loita contra o capitalismo, esperamos que se converta nun patrimonio dos movementos anticapitalistas.

+info:

http://rentabasicadelasiguales.coordinacionbaladre.org

http://rbis.coordinacionbaladre.org

http://www.rentabasica.net

Reproducimos o texto da companheira Mari Fidalgo publicado no Novas da Galiza de setembro baixo o título Renda Básica das iguais: auto-defesa e construçao de comunidade:

Unha das consecuencias históricas do patriarcado, consistiu en someter á muller e relegala ao ámbito doméstico coma nai e esposa, adicada aos coidados, sen recursos económicos propios e por tanto, dependente economicamente do home.

Un ano máis as xentes da ODS-Coia, Grupo de Axitación Social (GAS) e Baladre xuntamos forzas para reivindicar o dereito a vivir dignamente nunha semana de actividades por diferentes cida

Achegamos un texto que ven de publicar a revista Irimia e que leva por título: "A loita pola Renda Básica das iguais e a rotonda de Coia".

Nos primeiros días de decembro un barco e unha rotonda saltaron aos medios como noticia e convertéronse en tema de conversa para a xente.

O conflito é coñecido. Unha parte da veciñanza, apoiada por partidos e movementos sociais, oponse á instalación do “Bernardo Alfageme” na rotonda de Coia debido ao elevado custo da obra -de dubidosa legalidade e que investiga a Fiscalía. Os motivos deste rexeitamento resúmeos un dos seus cánticos: Non pode ser, os cartos na rotonda e a xente sen comer!

Achegamos un artigo que leva por título: "25 anos de Rendas Mínimas no Estado español: Das rendas mínimas á Renda Básica das Iguais e moito máis" escrito por Enrique García Escamilla, María Arrabali Márquez, Manuel S. Bayona e David Muñoz Rodríguez. Todas elas compañeiras de Baladre.

Volvemos ás rúas para celebrar o 17 de outubro, data que rebautizamos o ano pasado como "Día contra a riqueza".

No mes de febreiro a xente de Baladre en Galiza estará por diferentes localidades facendo diferentes actividades ao redor da renda básica das iguais. Lugo, Vigo, Ourense... serán algúns dos lugares que visitaremos nesta minixira.

No pasado mes de novembro estiveramos tamén de enredos. Achegamos agora un vídeo no que Manolo S. Bayona explica a RBis na xornada formativa para partidos e sindicatos sobre a RBis.

Achegamos un artigo sobre a Renda Básica das Iguais baseado nunha entrevista e obradoiro que deu Manolo S.

Tras a primeira semana galega pola RBis as xentes de Baladre volvemos coas presentacións do libro, desta banda en Redondela.

Con esta xornada abordaremos a necesidade de poñer en marcha espazos e dinámicas transformadoras, que partan da esixencia dos nosos dereitos a través da denuncia e da loita. E non dende a miseria de parchear situacións de exclusión que só logran tapar a realidade de desigualdade e inxustiza que provoca o sistema capitalista.

Na mañá do teremos dous momentos de reflexión en común:

1º Análise da desprotección social, partindo da RISGA. Dinamizado por María Martínez, traballadora social e por Ana Belén Méndez, profesora do Grao de Traballo Social no Campus de Ourense da Universidade de Vigo.

Seis días, nove localidades, trece presentacións, preto de 400 asistentes aos actos... Son algunhas das cifras desta primeira semana galega pola Renda Básica das Iguais (RBis). Para as persoas que nos implicamos na preparación e desenvolvemento destes días de actividades a valoración é tremendamente positiva.

Cando nos botamos á estrada non sabiamos o que nos iamos atopar en cada unha das localidades: Vigo, Pontevedra, Ferrol, A Coruña, Compostela, Ourense, Lugo, Allariz e As Pontes. Agora podemos dicir que os encontros foron ricos e diversos con colectivos e persoas de ámbitos tan diversos como o: libertario, sindicalismo, profesional, feminismo, okupa, político... e que o intercambio foi rico e posibilitador, á hora de crear dinámicas que rachen co capitalismo.