charla

O vindeiro sábado 1 de outubro temos o pracer de ter en Coia a Koldobi Velasco.

Unha das consecuencias históricas do patriarcado, consistiu en someter á muller e relegala ao ámbito doméstico coma nai e esposa, adicada aos coidados, sen recursos económicos propios e por tanto, dependente economicamente do home.

O vindeiro luns 15 de xuño, Manolo S. Bayona, compa de "Baladre, Coordinación de loitas contra o paro, o empobrecemento e a exclusión social" estará en Vigo dando unha charla sobre a Renda Básica das iguais.

Será no café "De catro a catro"  (rúa Gerona, 16, Vigo) o luns ás 20:00.

Dito evento está organizado por Podemos Vigo Este.

O luns 30 o colectivo Imán organiza unha charla informativa baixo o título: Axudas sociais municipais. Axudas de Emerxencia Social e o novo "Cheque Social".

Comezará ás 11h00 no centro cívico do Casco Vello na rúa Oliva 12.

A charla estará conducida pola nova compañeira Esther Lora, avogada e activista social.

A Iniciativa Lexislativa Popular pola Renda Básica para moitas persoas e colectivos é unha ferramenta para buscar saídas a esta tolemia de vida que nos propón o capitalismo.

Aínda non están os pliegos para a recollida de sinaturas, pero en nada os teremos e comezaremos coa recollida do medio millón de sinaturas. En Galiza hai varias localidades nas que xa hai persoas e grupos que van participar neste movemento, por iso coa idea de dar a coñecer esta ferramenta e tamén para tratar de organizarmos aquelas que imos estar metidas estes meses nesta andaina convocamos unha charla/xuntanza baixo o título: "A ILP pola Renda Básica". Estará dinamizada polo compañeiro de Baladre, Manolo S. Bayona nos locais da parroquia do Cristo da Victoria (Baiona 9, Coia - Vigo) o sábado 19 de abril a partires das 11h30.

O luns 21 de outubro ás 20:00h teremos en Vigo no CSA "A Cova dos Ratos" a Eduardo Romero un dos autores do libro colectivo "Qué hacemos con las fronteras?", para falar sobre que facemos para conectar a crítica á mobilidade no capitalismo, coa loita contra as políticas migratorias e as fronteiras.

A xente do G.A.S., Raias Traveseiras e nós, coa colaboración do Foro Galego da Inmigración orqanizamos esta presentación.

Máis información sobre o libro neste enlace: www.quehacemos.org/que-hacemos-con-las-fronteras

O xoves 26 de setembro a ODS-Coia vai participar nunha mesa redonda que leva por título: "Renda Básica, un novo concepto de cidadanía".

Na mesa participarán: Pepa Vázquez (Colectivo Encontro e Marea Laranxa) e Diego (ODS-Coia).

O acto está organizado polo Espazo Ecosocialista Galego, será o martes 26 de setembro a partires das 20h30 no café De Catro a Catro (rúa Girona 16, Vigo)

O vindeiro 24 de maio śa 17h30 no local do Ceesg (Lisboa 20, compostela) terá lugar a charla "A Renda básica: unha opción en tempos de crise? a cargo de Baladre.

Baladre é unha coordinación de loita contra o Paro, o Empobrecemento e a Exclusión Social, que fixo un estudo de viabilidad da Renda Básica en Galiza, recollendo os resultados no libro “Repartindo a nosa riqueza”.

Como froito das diferentes charlas organizadas para dar a coñecer a RBis, estase a xestar unha Plataforma reclamando a súa implantación. Pensando en que o Ceesg poida integrarse en dita plataforma, e para dar a coñecer a RBis entre as educadoras e educadores sociais, organízase esta charla, coa que se pretende ademáis xerar debate sobre a utilidade da RBis como ferramenta para dar resposta á precarización que afoga cada vez a máis persoas.

Dende hai tempo dende a ODS-Coia vimos comprobando como moitas persoas no noso entorno teñen serias dificultades para facer fronte ao pago dos recibos da luz e do gas.

Isto ven provocado por dous motivos que se acumulan: por uhna banda o desproporcionado importe das facturas, e por outra, a situación de precariedade económica na que conviven moitos fogares do noso Barrio.

Ante esta situación, e como parte dunha campaña de denuncia desta grave situación, quixemos afondar un pouco máis neste problema, que está a facer que moitas persoas véxanse privadas dun ben de primeira necesidade como a enerxía eléctrica, imprescindible para vivir en condicións dignas e saudables.

O sábado 9 de febreiro ás 20h30 no CSA "A Cova dos Ratos" (Romil,3 - Vigo) convidámosvos a asistir á charla que leva por titulo: "Represión xenófoba, políticas migratorias e estratexias de resistencia".

Na que contaremos coa presenza de dúas compañeiras do colectivo Ferrocarril Clandestino de Madrid.

Ferrocarril é un colectivo que explora as consecuencias que as fronteiras teñen nas nosas vidas. Nos últimos anos teñen organizado campañas contra os controis policiais racistas, as persecucións a manterxs e os Centros de Internamento para Estranxeiros. Durante esta charla falarán entre outras cousas sobre os propios CIEs e as políticas europeas sobre migracións.

O vindeiro xoves 19 de abril as xentes do grupo Morrazo 2020 convidáronnos a participar nunha charla-coloquio que leva por título: "Os dereitos s

As xentes do Colectivo Nacionalista de Marín e da Frente Popular Galega (FPG) convidáronnos a participar nunha charla-coloquio ao redor dos recortes en sanidade e no mundo dos servizos sociais.

Será en Marín, na biblioteca municipal (Avenida de Ourense 6) o xoves 2 de febreiro a partires das 20h00.

Así a presentan na web da FPG: "Perante o brutal ataque da oligarquía española contra as conquistas da clase traballadora desde as nosas respectivas organizacións cremos que é o momento de sumar forzas para a mobilización. A loita segue sendo o único camiño tamén nas terras de Pontevedra, Morrazo, Salnés e Caldas onde os efectos desta mal chamada “crise” están golpeando ás traballadoras e traballadores con especial virulencia"