coia

Desde a ODS-Coia animamos tamén a participar na manifestación. Deixamos a nota de prensa:

Onte a avenida de Castelao foi tomada por unha gran manifestación na que expresamos o "cansazo cidadán ante as políticas duns gobernantes que viven moi afastados das necesidades reais que temos as persoas".

Como titulaba un medio dixital "o ruxir das máquinas en Coia deu paso á voz da veciñanza", quen manifestou con claridade que o Bernardo Alfageme non chegará á rotonda e que os cartos de todas teñen que estar ao servizo das necesidades das persoas.

O VENRES 12 de decembro a asemblea aberta de Coia convoca unha MANIFESTACIÓN baixo o lema: NON PODE SER, O BARCO NA ROTONDA E AS FAMILIAS SEN COMER!

Sairá desde a Praza de América ás 19:00 para chegar, logo de percorrer a avenida de Castelao, á rotonda de Coia onde remataremos cunha concentración e dando lectura ao manifesto.

O goberno municipal quere chantar o barco “Alfageme” na rotonda de Castelao. Os medios de comunicación falan dun orzamento de 300.000 euros, e parte da veciñanza do barrio decidimos paralizar as obras, xa que rexeitamos de cheo esta inmoralidade do goberno municipal.

Cancelamos o acto de recollida de sinaturas da ILP pola Renda Básica que tiñamos convocado para mañá venres 5 de decembro.

Hoxe volvemos a sacar as mesas, os pregos á rúa para continuar coa recollida de sinaturas da ILP pola Renda Básica.

Diante do Alcampo de Coia estivemos as xentes da ODS-Coia, da parroquia do Cristo da Vitoria e do GAS de 10h00 a 13h00 recollendo ducias de sinaturas nunha mañá na que o tempo de outono respectou a nosa presenza.

Moitas persoas, hoxe moitas delas xubiladas, ademais de asinar e manifestar o seu apoio á iniciativa compartiron as súas inquedanzas, as súas dificultades... nuns momentos nos que o deterioro das condicións de vida afoga a moitos fogares.

Estamos en setembro e non queremos comezar o curso 2014/15 sen botar unha ollada ao que fixemos nos últimos doces meses.

Sen tratar de sermos exhaustivos aí van algunhas cousas:

- Asembleas quincenais en Coia os martes ás 17h00.

- Atencións no punto de información sobre dereitos sociais, reforzado este curso pola presenza de Esther e Raúl que abriron terreo na loita polos dereitos de todas desde o Dereito.

Ao longo dos trinta anos de existencia do espazo de coordinación Baladre, as xentes que o conformamos sentimos a formación como algo central nas nosas formas de facer política. Formarnos entre iguais para comprender e actuar, compartir as nosas preocupacións e afondar nas análises sobre as nosas realidades.

Este verán, volveremos a por en marcha ese espazo autoxestionado de coñecemento mutuo, relación e reflexión para a acción social en forma de Caravana/Marcha. Entendendo que viaxar e pararnos a pé de rúa polos diferentes territorios onde día a día articulamos as nosas loitas anticapitalistas e antipatriarcais, que para moitas é unha experiencia vivencial sen igual.

O vindeiro sábado 12 de abril a ODS-Coia estará en Xixón para participar na IV Semana Cultural que se vai celebrar nos barrios Nuevo Gijón, Perchera e La Braña.

En concreto a nosa participación será na charla "Barrios con vida". A idea da organización é a seguinte para esta actividade: "queremos que sea un espacio por un lado, para conocer que cosas están pasando en otros barrios, cómo se están organizando las personas ante problemas que les afectan, que respuestas están generando. En la mesa hay una experiencia de un barrio de Oviedo, Ventanielles, y Coia como experiencia de otro lugar del estado. Por otro lado, queremos que nos sirva también para generar reflexión y debate aquí en el barrio donde estamos".

A ODS-Coia e a Parroquia Cristo da Victoria, xunto á xente do G.A.S., convocamos para  vindeiro luns 6 de maio un acto de rúa ás portas dos servizos sociais do Concello en Coia (rúa Quintela, 31, á altura da Avenida Castelao, 25) co obxectivo de denunciar o crecente empobrecemento que sufrimos inxustamente unha gran parte da cidadanía e esixir ás institucións públicas, neste caso Concello e Xunta, que cumpran coa súa obriga de garantir o dereito de todas as persoas a unha vida digna.

Non podemos calar ante unha realidade terrible que cada vez é máis común: mentres moitas familias nos vemos na obriga de afrontar o día a día cuns mínimos ingresos ou mesmo sen eles, resultando imposible facer fronte ao pago de bens tan básicos como os alimentos, o aluguer, os recibos de auga e luz...

Precisamos da luz para vivir, o que choca cos atrancos que compañías coma FENOSA nos poñen: subida de prezos, facturación abusiva, cortes, non negocian as débedas, desinformación...

Por todo isto a ODS-Coia e Parroquia do Cristo da Victoria decidimos orfanizar unha charla baixo o título: "Aprendendo a defender os nosos dereitos fronte ás grandes empresas da enerxía". Nela contaremos coa presenza de Rafael de Montis, experto en enerxía, que nos axudará a coñecer un pouco máis este mundo.

Se queres saber que che cobran na factura da luz, como solicitar o bono social, como defenderte dos seus abusos, alternativas máis xustas e económicas no subministración NON DUBIDES EN VIR!

Miren Etxezarreta estará os días 8 e 9 de marzo na parroquia do Cristo da Victoria de Coia para facer un repaso crítico do capitalismo nas charlas de Coresma da comunidade.

O título destas dúas charlas é “Como chegamos ata aquí? Podemos saír desta? (crítica da razón capitalista)”. As charlas serán no salón de acto da parroquia do Cristo da Victoria (rúa Baiona 9, Coia -Vigo) o venres 8 de marzo ás 21h00 e o sábado 9 de marzo ás 17h00.

Miren Etxezarreta é catedrática emérita en Economía Aplicada da Universidade Autónoma de Barcelona e integrante do Seminari d’Economia Critica Taifa.

Unha compañeira que colabora en praza.com estivo falando a pasada semana na ODS-Coia e froito desa conversa publicou a seguinte reportaxe:

A Parroquia Cristo da Victoria, a Oficina de Dereitos Sociais de Coia e o Grupo de Axitación Social  traballan desde hai anos para facer posíbel a utopía dunha vida digna desde a realidade deste barrio vigués. No último mes convocaron unha cadea humana percorrendo Coia e unha concentración fronte ao Concello para manifestar “que estamos cansas de non chegar a fin de mes, de non poder pagar recibos, de que nos digan que non hai cartos, temos dereitos. Fixemos coincidir estas mobilizacións coa negociación dos orzamentos do concello de Vigo, porque cando se estaba a falar dos cartos das viguesas, tiñamos que demandar para que se invista máis nas persoas”, explica Diego Lores, da ODS de Coia. Conversamos con Lores para coñecer máis de perto a realidade deste traballo invisibilizado e en minúsculas destes colectivos sociais fronte á pobreza.

Baladre

Nosotras las Personas

Asociación Contra a Exclusión Social Alambique

Renta Básica das iguais