Inicio

Pechamos para comezar outras loitas

A Oficina de Dereitos Sociais de Coia (ODS-Coia) remata a súa actividade. A tarefa que iniciamos o setembro de 2007 acaba pasados 16 anos. Uns últimos cursos con menor actividade e forzas, fixeron que pensaramos que o mellor era botar o peche.

11/07/2023 - 00:00

A escoliña de Coia en tres crónicas

Compartimos o acontecido na 6ª edición da escola de acción social crítica e transformadora celebrada o 7-8-9 de xullo en Coia.

En tres crónicas resumimos as xornadas da escoliña celebrada nos locais parroquiais do "Cristo da Vitoria":

22/05/2014 - 17:17

30/05 - Acto de rúa en Facenda para comezar coa recollida de sinaturas da ILP pola Renda Básica

Comezamos a recollida de sinaturas da Iniciativa Lexislativa Popular (ILP) pola Renda Básica e o faremos montando unha mesa informativa ás portas da delegación de facenda en Vigo.

A ODS-Coia, a parroquia do Cristo da Victoria e o Grupo de Axitación Social convocamos este acto de rúa diante de facenda (r/Lalín 2) o venres 30 de maio de 10h00 a 13h00 no que recolleremos sinaturas, ofreceremos información sobre a RB e aproveitaremos para denunciar que mentres medra a pobreza, tamén o fai o número de ricos no Estado Español. 1625 persoas teñen un patrimonio superior aos 23 millóns de euros no estado, o que supón un 7% máis que no ano 2012.

22/05/2014 - 16:44

As escusas do Concello para non solucionar o colapso na tramitación das Axudas de Emerxencia Social

Unha vez máis desexamos denunciar a insoportable demora que nos últimos meses se está a dar na xestión das Axudas de Emerxencia Municipal (AEM), que teñen como obxectivo “satisfacer necesidades básicas en relación coa alimentación, o aloxamento ou calquera outra situación que poida supoñer un factor de marxinalidade ou risco de exclusión social”. Debido ao “colapso” na tramitación destas axudas, na actualidade preto de 3000 unidades de convivencia están a agardar varias semanas ou mesmo meses por unha resolución que ata o de agora non se atrasaba moito máis de sete días, tardanza que tendo en conta a situación de extrema necesidade que padecen as persoas e familias demandantes das AEM resulta cruel e inasumible.

Pois ben, os responsables municipais, cando lles esiximos que cumpran coa súa obriga de solucionar de xeito inmediato este problema, limítanse a poñer escusas para eludir a súa incuestionable responsabilidade.

09/05/2014 - 21:01

A concelleira de Benestar Social non é quen de dar solucións ao colapso das Axudas de Emerxencia Municipais

Centos de nenos e nenas estaban na praza do rei para celebrar o Correlingua. Non o sabiamos, pero Isaura Abelairas alí estaba para abrir o acto desta festividade da lingua galega.

Coma tantas outras veces, a anterior o venres 2 de maio, ducias de persoas acudiamos ás portas do concello para denunciar o atasco na tramitación das Axudas de Emerxencia Municipais (AEM). A ODS-Coia, a parroquia do Cristo da Victoria e o Grupo de Axitación Social (G.A.S.) convocaban unha nova concentración para denunciar que non aguantamos máis. O empobrecemento está a golpear moi duro na vida de moitas persoas que buscan nos servizos sociais respostas para cubrir as necesidades máis básicas. Moitas veces temos falado dos problemas que sufrimos coa RISGA, pero estas últimas semanas estamos a mirar para a xestión que está a facer o concello das AEM. Atrasos insoportables, indefensión, opacidade... son atrancos cos que se atopan demasiadas persoas que buscan nelas algunha saída aos seus problemas.

07/05/2014 - 01:05

9/05 - Concentración perante o colapso das Axudas de Emerxencia Municipais

Pasan as semanas e dende o concello os responsables políticos: alcalde e concelleira de benestar social dan a calada por resposta perante o atasco das axudas de emerxencia municipais.

Semella non lles importar os atrasos insoportables que teñen que padecer as persoas que buscan nestas axudas unha saída ao problema que trae para moita xente a insuficiencia de recursos para cubrir as necesidades básicas.

Por iso este VENRES 9 de maio, ás 11h00, a ODS-Coia, o Grupo de Axitación Social e parroquia do Cristo da Victoria convocamos unha CONCENTRACIÓN ás portas do CONCELLO perante o colapso das Axudas de Emerxencia Municipal.

Contra a exclusión, redistribución! Dereitos Sociais para todas!

Renda Básica das iguais, XA!

02/05/2014 - 18:05

Crónica da concentración perante o colapso das Axudas de Emerxencia Municipais

dereitos sociais

Hoxe o concello celebraba un pleno extraordinario no que se aprobaron os orzamentos para 2014. Ao mesmo tempo a praza do rei acollía dúas concentracións: unha reclamando dereitos sociais e outra da veciñanza de Teis a propósito do conflito polo centro cívico do barrio.

Convocadas pola ODS-Coia, a Parroquia Cristo da Victoria e o Grupo de Axitación Social (GAS) concentrámonos ás portas da casa consistorial para denunciar, unha vez máis, a vergoñenta e insoportable demora que están a padecer as solicitantes de Axudas de Emerxencia Municipal (AEM). Lembramos que estas, teñen como obxectivo “satisfacer necesidades básicas en relación coa alimentación, o aloxamento ou calquera outra situación que poida supoñer un factor de marxinalidade ou risco de exclusión social”. O atasco de máis de 2000 solicitudes nas dependencias de benestar social está a provocar que a resolución das AEM -que antes resolvíanse en algo máis de sete días- agora alónguense no tempo. Isto deixa a moitas persoas sen respostas a problemas tan graves como: o pago da vivenda ou de subministros básicos, a compra de alimentos básicos...

27/04/2014 - 22:42

2/05 - Concentración perante o colapso das Axudas de Emerxencia Municipais

Xa anunciaramos na convocatoria do 25 de abril que Se Mahoma non vai á montaña... iriamos nós onda eles. Por iso o VENRES 2 de maio, a partires das 10h00, a ODS-Coia, o Grupo de Axitación Social e parroquia do Cristo da Victoria convocamos unha CONCENTRACIÓN ás portas do CONCELLO. E de novo convidamos ao alcalde e á concelleira a que ofrezan solucións ante os atrasos das Axudas de Emerxencia Municipais (AEM).

Abel Caballero e Isaura Abelairas, concelleira de Benestar Social néganse a explicar os motivos do colapso que sofre o departamento de servizos sociais do concello de Vigo. A calada por resposta. Mentres máis de dúas mil solicitudes de AEM están sen resolver. Igual que os problemas de moitas persoas, que acudimos a estas axudas para tratar de buscar vieiros polos que saír do empobrecemento que nos afoga.

Desempregadas ou con empregos precarios, sen pensións ou con elas recortadas, sen prestacións, sen axudas sociais... así temos que vivir, ou máis ben sobrevivir.

18/04/2014 - 15:58

25/04 Asemblea aberta sobre a Política Social Municipal. A xestión das Axudas de Emerxencia Municipais

asemblea

politica social

A ODS-Coia, o Grupo de Axitación Social e a parroquia do Cristo da Victoria convocamos á cidadanía a participar na ASEMBLEA ABERTA de información e denuncia da POLÍTICA SOCIAL MUNICIPAL. A xestión das Axudas de Emerxencia Municipais. Celebrarase o venres 25 de abril, a partires das 20h00 no salón de actos da parroquia do Cristo da Victoria (rúa Baiona 9, Coia).

Máis de 2.000 unidades de convivencia agardan pola tramitación de Axudas de Emerxencia Municipais (AEM) do Concello de Vigo. Son máis de 2.000 solicitudes dunha axuda social para “satisfacer necesidades básicas en relación coa alimentación, o aloxamento ou calquera outra situación que poida supoñer un factor de marxinalidade ou risco de exclusión social”, que debido ao “colapso” no concello de Vigo -ata agora estaban a a ser concedidas en pouco máis dunha semana- están a acumular atrasos insoportables para a veciñanza máis empobrecida da cidade.

17/04/2014 - 17:06

O curioso caso do informe que desinforma: Benestar Social contesta á nosa queixa ao Valedor do Cidadán

valedor cidadán

benestar social

Non deixará nunca de abraiarnos a 'présa' do concello á hora de dar resposta ás demandas da cidadanía... mesmo se chegan vía Valedor do Cidadán. E sen dúbida desas présas (tardaron máis dun mes en responder á nosa queixa) veñen, a pesares do precioso envoltorio da linguaxe administrativa, estes lodos cos que nos queren facer comungar. Porque no canto de dar resposta ás nosas demandas -que son demandas, non se esqueza, de persoas empobrecidas que falan da súa experiencia cando acoden ás UTS-, as autoridades municipais fan un exercicio de... autoridade para deixar claro que o noso escrito está enchido de “incorreccións e inexactitudes”, que se adican a explicar con toda minuciosidade.

15/04/2014 - 17:00

RBis

19/04 Charla/Xuntanza: A ILP pola Renda Básica

A Iniciativa Lexislativa Popular pola Renda Básica para moitas persoas e colectivos é unha ferramenta para buscar saídas a esta tolemia de vida que nos propón o capitalismo.

Aínda non están os pliegos para a recollida de sinaturas, pero en nada os teremos e comezaremos coa recollida do medio millón de sinaturas. En Galiza hai varias localidades nas que xa hai persoas e grupos que van participar neste movemento, por iso coa idea de dar a coñecer esta ferramenta e tamén para tratar de organizarmos aquelas que imos estar metidas estes meses nesta andaina convocamos unha charla/xuntanza baixo o título: "A ILP pola Renda Básica". Estará dinamizada polo compañeiro de Baladre, Manolo S. Bayona nos locais da parroquia do Cristo da Victoria (Baiona 9, Coia - Vigo) o sábado 19 de abril a partires das 11h30.

11/04/2014 - 15:13

RBis

Asina a Iniciativa Lexislativa Popular (ILP) pola Renda Básica

ILP renda básica

asina

ASINA o texto da Iniciativa Lexislativa Popular pola RENDA BÁSICA

05/04/2014 - 23:11

ODS

A web da ODS-Coia candidata aos Premios Luceira de comunicación social

premios

Luceira

web

A nosa web está preseleccionada para os PREMIOS LUCEIRA DE COMUNICACIÓN SOCIAL EN GALIZA. Dende o 4 de abril ata o día 30 de abril, está aberta unha votación popular para escoller unha premiada entre as 17 candidaturas seleccionadas pola organización. Se vos animades podedes VOTAR AQUÍ.

Aquí achegamos máis información sobre estes premios:

Os Premios Luceira de comunicación social en Galicia convocados pola Coordinadora Galega de ONGD, a Rede Galega contra a Pobreza (EAPN-Galicia), Cermi Galicia, a Asociación Galega de Reporteiros Solidarios (Agareso) e Asemblea de Cooperación pola Paz (ACPP).

03/04/2014 - 11:44