RBis

Este venres comeza a 1ª Semana Galega pola Renda Básica das Iguais

Mañá, venres 25 de xaneiro, comeza o movemento polo dereito a vivir dignamente, o movemento pola RBis. O traballo que diferentes colectivos sociais de Galiza da os seus froitos coa andaina desta 1ª Semana Galega pola Renda Básica das Iguais.

Entre o 25 ao 31 de xaneiro, en case unha decena de cidades e vilas galegas, realizaranse presentacións do libro “Repartindo a nosa riqueza”, publicación que saíu á luz o pasado mes de decembro e que expón os resultados do estudo da viabilidade da implantación da Renda Básica das Iguais en Galiza (RBis).

Recordamos que a Renda Básica das Iguais consiste no dereito que ten cada persoa a percibir periodicamente uns ingresos que lle permita cubrir as súas necesidades e que ha de percibirse de xeito individual; universal e incondicional e cuxa contía económica sexa, polo mínimo, igual ao limiar de pobreza. As vías para acadar os ingresos necesarios para implantación deste dereito consisten na re-asignación do gasto público e na reforma do sistema fiscal.

23/01/2013 - 00:47

Obradoiro: "Rachar coa centralidade do emprego, apostar pola centralidade da vida". A Renda Básica das Iguais desde unha ollada feminista

As compañeiras de Compostela organizan un obradoiro incluído na 1ª Semana Galega pola RBis e que leva por título: "Rachar coa centralidade do emprego, apostar pola centralidade da vida". A Renda Básica das Iguais desde unha ollada feminista.

SÁBADO 26 DE XANEIRO - 16:30hs - Libraría Lila de Lilith (Rúa Travesa 7. Compostela)

Durante as Xornadas Ecofeministas que tiveron lugar no mes de decembro en Compostela, un puñado de mulleres feministas comezamos a accionar o noso interese por coñecer e discutir a proposta da Renda Básica das Iguais.

Estimuladas pola recente publicación do estudo da viabilidade social e económica para implementar esta ferramenta de reparto da riqueza no noso territorio, e desde a rabia e a rebeldía contra a escalada de empobrecemento, marxinación e violencia que está a castigarnos e máis á nosa xente; desde a insumisión ao proceso de precarización das nosas vida e dos nosos desexos, da tentativa de expropiarnos cada día un anaco máis de poder sobre nos mesmas, o noso corpo e a nosa existencia; desde ese estado de desobediencia e movemento creativo cara a outros xeitos de vivir, decidimos organizar este obradoiro.

19/01/2013 - 01:32

1ª Semana Galega pola Renda Básica das Iguais, 25 ao 31 xaneiro

Movéndonos polo dereito a vivir dignamente, movéndonos pola RBis! Con este lema as xentes de Baladre e colectivos parceiros avanzamos a programación da 1ª Semana Galega pola Renda Básica das Iguais.

O pasado mes de decembro, co galo da presentación en Compostela do libro “Repartindo a nosa riqueza”, que expón os resultados do estudo de viabilidade da RBis en Galiza, as persoas que vimos dinamizando a proposta no noso territorio decidimos dar uns cantos pasiños máis.

De cara a xerar debate sobre a utilidade desta ferramenta a hora de dar resposta á precarización que afoga a cada vez máis persoas – segundo os últimos datos do IGE, ao remate do 2012, seis de cada dez fogares galegos recoñecían a enorme dificuldade que supón chegar a fin de mes-, e a gravísima situación de exclusión na que se atopan outras moitas, propuxémonos movernos polo dereito a unha vida con dignidade e igualdade.

06/01/2013 - 15:37

Charlas en Vigo sobre Renda Básica Universal con Felix Coeln (Partido Pirata Alemán)

Alemaña

Partido Pirata

Esta semana coincidindo coa presenza en Vigo de Félix Coeln, candidato ao Parlamento Nacional de Alemaña polo Partido Pirata Alemán, teremos a oportunidade de escoitalo en tres charlas sobre Renda Básica.

- Martes 8 de xaneiro ás 20h00 na Cova dos Ratos (Romil 3 baixo)

- Venres 11 de xaneiro ás 18h00 na Asociación Ser Hacer (Praza Sta Rita 3, baixo)

- Sábado 12 de xaneiro ás 18h00 na AAVV Feira do Cabral (Riomao, 21)

Nas charlas falarase de Renda Básica, que é? como se pode levar a cabo? experiencias de RB noutros territorios, etc. E tamén de aspectos como traballo e ingresos, da situación en España e en Europa, do dereito a unha vida digna, das necesidades básicas, do futuro do emprego e de cales serán as consecuencias do desenvolvemento tecnolóxico. Todo isto e moito máis...

04/01/2013 - 10:39

Arrancamos cos preparativos para a 1ª Semana Galega pola Renda Básica das Iguais

estudo viabilidade

Cando vimos de saber que Galiza é o territorio no que máis subiu o paro no mes de decembro e que a Xunta propón un recorte de case 500 millóns de euros no gasto social para o 2013, novas que contrastan co anuncio de que o Amancio Ortega segue a incrementar indecentemente a súa fortuna, as xentes de Baladre pulamos por comezar o ano apostando pola renda básica galega.

Como xa dimos conta, o pasado 14 de decembro tivo lugar en Compostela a presentación do libro "Repartindo a nosa riqueza".

Mentres que pola maña tocou presentar os resultados do estudo aos medios de comunicación, acto ao que tamén compareceron integrantes do grupo parlamentario AGE, pola tarde estivemos no centro social Arredista onde ao redor dunha vintena de activistas sociais discutiron sobre os elementos que definen a proposta e o impacto que a súa aplicación puidera ter na poboación galega.

22/12/2012 - 19:21

O estudo de viabilidade da RBis en Galiza presentado en Compostela

O pasado venres 14 de decembro as xentes de Baladre presentamos o estudo de viabilidade da renda básica das iguais en Galiza.

21/12/2012 - 00:40

Imaxina a Renda Básica das Iguais...

imaxina

Imaxínate que todas recibíramos unha cantidade de cartos mensuais que nos permitise cubrir as nosas necesidades.

19/12/2012 - 22:24

Nace "Canarias por la Renta Básica de las Iguales"

Canarias

Dende a ODS-Coia expresamos o noso apoio á iniciativa de varios colectivos e persoas nacida estes días en Canarias baixo o nome de "Canarias por la Renta Básica de las Iguales".

Para comezar esta andaina fixeron unha "ocupación de la Cámara de Comercio, de manera simbólica, para exigir que el dinero de la Reserva de Inversiones de Canarias (RIC) sea destinado a las personas y no a la prevaricación de los grandes empresarios, nace Canarias por la Renta Básica de las Iguales (RBis). Canarias porla RBis es una coordinación de personas y organizaciones sociales, que mediante campañas de información y acciones, surge para exigir la aplicación de La Renta Básica de las Iguales en Canarias y para visualizar, quién tiene y dónde se encuentra la riqueza en Canarias. Sin el reparto de la riqueza que se genera y que nos pertenece a todas las personas que aquí vivimos, no puede haber justicia social. Sin acabar con el sistema capitalista que nos oprime y esclaviza no hay salida posible."

17/12/2012 - 12:15

Axúdanos queremos devolver o que Roubamos! Por unha Renda Básica das Iguais en Galiza

ricos

estudo viabilidade

O pasado venres presentamos en Compostela as xente de Baladre o estudo de viabilidade da renda básica das iguais en Galiza. Pola mañá o acto estivo dirixido aos medios de comunicación e pola tarde a colectivos e xente amiga.

A propósito da presentación do libro un compañeiro fixo esta serie de catro cartaces (podedes descargar aquí: flickr.com/photos/axluar/sets/72157632242431492) no que personalidades moi coñecidas piden que lles botemos unha man para a repartir a riqueza de todas. Pois nada as persoas que queiran botar unha man se lles apetece que usen a RBis para esta tarefa ;)

10/12/2012 - 19:38

Presentación do Estudo de Viabilidade da Renda Básica das Iguais en Galiza en Compostela

Non esteades impacientes! Este venres, 14 de decembro, todas aquelas que se acheguen a Compostela poderán ter nas súas mans un dos libros máis agardados do ano. O título: "Repartindo a Nosa Riqueza. Estudo de viabilidade da Renda Básica das Iguais en Galiza".

Este libro recolle o traballo de varios anos das xentes de Baladre en Galiza co fin de demostrar a viabilidade económica, e tamén política, da proposta da Renda Básica das iguais.

Mari Fidalgo nun dos textos que abren o estudo propoñe esta reflexión:

"Unha comunidade está conformada por persoas que van actuar como forza de traballo e outras que non, xa sexa pola franxa de idade, estado físico ou ben por decisión propia. E todas precisan ser coidadas e ter garantidas unhas condicións de vida saudábeis. A condición de ser humano é o elemento primario da xeración de tal dereito e, a concepción da fraxilidade e interdependencia que caracteriza a nosa existencia, o sustrato para formular propostas que aborden a centralidade da vida como premisa para o reparto da renda e a xustiza social.

04/12/2012 - 23:58

Encontro Rendas Básicas en Salamanca: 15 de decembro

encontro

Salamanca

A xente de ASDECOBA en Salamanca remítenos o convite ao Encontro de Rendas Básicas que se vai celebrar en Salamanca. Aquí vai a convocatoria e o programa:

18/09/2012 - 23:30

Vídeos do Encontro en Mérida polas Rendas Básicas

O pasado 8 de setembro xente da ODS-Coia nos achegamos a Mérida ao Encontro Estatal polas Rendas Básicas, que contou coa presenza e participación de numerosa