Tras analizar as bases do “Programa municipal de axudas extraordinarias a familias para gastos de aloxamento, subministros e alimentación- 2014”, coñecido como “cheque social”, aprobadas en Xunta de Goberno extraordinaria o pasado 30 de maio, sentímonos na obriga de denunciar que, como resposta do Concello de Vigo ante o empobrecemento brutal que está a padecer a cidadanía, este programa resulta totalmente insuficiente e inxusto, non só pola evidente e mesmo insultante escaseza da contía orzamentaria, senón tamén polo seu carácter eminentemente restritivo tanto no que ten que ver cos ingresos máximos das persoas potencialmente beneficiarias, como nos anos de empadroamento esixidos.

No contexto dunha situación de precariedade e empobrecemento crecentes da poboación, con 35.000 persoas desempregadas e 3.000 expedientes de axudas de emerxencia municipais bloqueados, a diminución do orzamento en máis dun 40% e o endurecemento das esixencias para acceder a estas axudas resulta dunha falta de sensibilidade e unha irresponsabilidade abraiantes.

Esta mañá a ODS-Coia, a Parroquia Cristo da Victoria e GAS concentrámonos xunto a entrada dun hipermercado en Coia para continuar coa campaña de recollida de sinaturas para a Iniciativa Lexislativa Popular pola Renda Básica. De 10h00 a 13h00 non pararon de achegarse decenas de persoas que apoiaron esta iniciativa coas súas sinaturas.

En so tres días temos acadado en torno a mil firmas de veciñas e veciños da nosa cidade. Porén a xente que estea interesada en asinar o pode facer tamén na ODS-Coia, nos locais da parroquia do Cristo da Victoria (Baiona 9, Coia – Vigo), todos os luns de 17h00 a 19h00.

A vindeira semana a ODS-Coia, o G.A.S. e a parroquia "Cristo da Victoria" volvemos ás rúas co obxectivo de continuar coa recollida de sinaturas da ILP pola Renda Básica.

O LUNS 9 de xuño de 10h00 a 13h00 estaremos ás portas da delegación de FACENDA en Vigo (r/Lalín 2) para recollermos sinaturas.

E o VENRES 13 de xuño, tamén de 10h00 a 13h00, montaremos unha mesa de recollida de sinaturas diante do ALCAMPO de COIA (r/Grove 1).

Asina esta iniciativa para esixir aos representantes políticos a implantación dunha Renda Básica a nivel estatal.

Mari Fidalgo, Alicia Alonoso e Rosa Zafra. Tres compañeiras de Baladre que veñen de parir colectivamente un libro moi agardado: "Renda Básica de las Iguales y feminismos. De la centralidad del empleo a la centralidad de la vida". Ademais o prólogo está escrito por Yayo Herrera.

Podedes vos facer cun destes libro ao prezo de 3€. Achegamos a ficha da publicación:

"Este libro es fruto de la práctica cotidiana y la reflexión conjunta, colectiva y horizontal. Hecho con amor, cuidado, apoyo mutuo y mucha rebeldía.

Centos de persoas asinaron ás portas da delegación de Facenda en Vigo para que o dereito a vivir dignamente sexa unha realidade para todas. Un dos vieiros para facermos posible este dereito pode ser a Renda Básica, que quere chegar ao parlamento por medio dunha Iniciativa Lexislativa Popular da man de moitas persoas e colectivos.

ODS-Coia, GAS e parroquia do Cristo da Victoria xuntámonos, outra vez, para dar a coñecer a proposta da Renda Básica. Á entrada da delegación de facenda puxemos mesas, cadeiras, pancartas... e comezamos coa recollida de sinaturas. De 10h00 a 13h00 non pararon de achegarse persoas que apoiaron esta iniciativa coas súas sinaturas.

Nosotras las personas viaxa esta semana a Galiza para falar coas compañeiras Marta e Cristina, da asociación Kanguras, criando en brazos. Elas falarán das necesidades de coidados das crianzas, de partos, da renda básica das iguais e de moitas máis cousas interesantes para a vida.

Logo da entrevista o programa achéganos á poeta chiapaneca e activista feminisita, Rosario Castellanos. E como peche presentan a publicación "Cuando los cultivos alimentan los coches".

Podedes escoitar/descargar o audio do programa neste enlace: audio.urcm.net/Nosotras-las-Personas-2014-05-27