Achegamos a entrevista que Galiza Ano Cero fixo ao compa de Baladre, Manolo Sáez Bayona.

Así o presentan: Manolo Sáez Bayona (1954), nado en A Coruña pero desde hai anos en movemento polas estradas do Estado, ás veces cruzando tamén o Atlántico para percorrer terras americanas.Traballador social de título, pero sobre todo persoa inquieta que desde hai máis de trinta anos participa en Baladre, na coordinación de loitas contra o paro, o empobrecemento e a exclusión social. Formador, locutor de radio, escritor... pero sobre todo “coidador” de persoas e procesos que desde abaixo pulan por posibilitar a vida en medio do capitalismo. Unha das ferramentas que as baladrinas como Manolo levan no saco para tentar parir outros mundos é a Renda Básica das iguais.

Diversos colectivos da cidade organizamos o 16 e 17 de xuño as Xornadas: “Libros para transformar a realidade”. Coas presentacións dos dous libros convidamos a todas aquelas que pulan por desbordar o sistema capitalista a reflexionar en común, a dialogar, a crear formas de vida viables para toda a humanidade, para todo o planeta.

- Presentación do libro: “En la Espiral de la energía”. Coa presenza de Luis González Reyes (Ecoloxistas en Acción). Martes 16 de xuño ás 19:30 no local de Árbore (r/López Mora 30, Vigo).

Un libro sobre a historia do planeta e da humanidade, dende a perspectiva do consumo enerxético e material.

O vindeiro luns 15 de xuño, Manolo S. Bayona, compa de "Baladre, Coordinación de loitas contra o paro, o empobrecemento e a exclusión social" estará en Vigo dando unha charla sobre a Renda Básica das iguais.

Será no café "De catro a catro"  (rúa Gerona, 16, Vigo) o luns ás 20:00.

Dito evento está organizado por Podemos Vigo Este.

Achégase a fin dun mundo... a do mundo capitalista devorador da terra e das persoas. E agora que?

Pois agora é un bo momento para coñecer as propostas do ecoloxismo social. Luís González Reyes (Ecoloxistas en Acción) pasará por Vigo para presentar "En la espiral de la energía", un libro sobre a historia do planeta e da humanidade, dende a perspectiva do consumo enerxético e material. Unha obra comezada a dúas mans por el mesmo xunto a Ramón Fernández Durán, que trata nos seus dous volumes sobre as formas de habitar o territorio, economías, sistemas políticos, tipos de traballo, demografía, loitas sociais, formas de relacionarse co entorno, etc.

En plena campaña electoral, o goberno municipal convoca o “Programa mun

En plena campaña electoral o goberno municipal abre o prazo para solicitar as “Axudas extraordinarias a familias para gastos de aloxamento, suministros e alimentación 2015”. Dende o 13 de maio até o 9 de xuño, está aberto o prazo para entregar esta axuda coñecida como o “Cheque Social”.

As solicitudes pódense entregar, ademais de no rexistro do concello, na UTS de Coia e de Rivera Atienza. En horario de 9:00 a 13:30 pode facerse a entrega das solicitudes, lugares onde tamén ofrecen información sobre os requisitos desta convocatoria.