Pobreza

Achegamos un vídeo que cunha proposta estética moi sinxela lanza unha mensaxe moi forte.

O mundo da infancia institucionalizada segue a ser un das grandes tarefas por facer na nosa sociedade; desa loita sabe moito Enrique Martínez Reguera que leva anos ao carón deses cativos maltratados polas institucións.

Co galo dunhas xornadas en Vitoria o xornal Gara publica unha entrevista na que repasa a súa visión deste mundillo. Achegamos tamén unha reportaxe publicada no xornal El País baixo o título "Los niños invisibles" no que se afondan nas anomalías do sistema de protección á infancia.

Fonte: www.gara.net e www.elpais.com

Hai uns días Beatriz Mato, conselleira de Traballo e Benestar, anunciou que se bloquearán as axudas á dependencia ás persoas con expediente en tramitación ata que o financiamento "no llegue" ao Goberno Galego.

O que queda claro disto e que a quen non nos chegan as axudas, malia ter recoñecido o seu dereito, é a nós. Os recortes, baixo o paraugas da crise, deixaron en nada a tan anunciada Lei de Dependencia que viña a solucionar as penurias daquelas persoas que por enfermidade ou minusvalía non puideran levar unha vida autónoma.

Desde o inicio da crise económica no ano 2008 a clase dominante a través dos seus medios de comunicación comezou unha campaña propagandística masiva acerca do significado, alcance, causas e consecuencias da mesma. O obxectivo é obvio: preparar un escenario propicio para executar unha serie de recortes sociais e laborais que fortaleza, aínda máis, a súa capacidade de acumulación de capital. Négase que o capitalismo, polas súas propias características intrínsecas, sexa un sistema económico en crise case permanente e preséntase a recesión como un acontecemento excepcional, cando á inversa, o verdadeiramente insólito foi o período de acumulación salvaxe que a precedeu.

Baixo o título de: "A Crise: quen se beneficia da mesma e a quen benefician as políticas para erradicala?" GAS, Verdegaia e a ODS-Coia organizan unha charla na que poderemos contar coa presenza de Francisco Ferrer membro do Seminario Taifa de Economía Crítica de Barcelona.

A debilidade da economía local está servindo para asentar o poder dos grandes capitais. O alto nivel de paro e precariedade permite ao sistema afondar na reforma neoliberal do mercado de traballo, recortar as pensións e as coberturas sociais, ao tempo que as políticas económicas para enfrontar estes problemas están claramente orientadas a rescatar ás persoas máis ricas e poderosas en vez de garantir o benestar dos sectores populares.