Esta semana vai estar en Santiago de Compostela Enrique Martínez Reguera educador que leva décadas vivindo e defendendo a rapaces maltratados polas institucións que din protexelos. É unha boa oportunidade de escoitar un discurso crítico e achegarse a unha vida marcada pola militancia na defensa da infancia. Así presentan a charla a xente de Galicia Solidaria:
¿Por que estamos "desbordados" cos nenos e mozos? ¿Por que eles están "desbordados" cos adultos? ¿Temos educadores vocacionados? ¿Ten algo que ver a educación e a política?
¿Que papel ten a crianza? ¿Por que hai "menores infractores"? ¿Sabemos querer aos nosos nenos e mozos? ¿Protexémolos ou nos protexemos deles?
Estas e outras cuestións serán abordadas este XOVES 23 ÁS 20H00 NA CASA DE CULTURA E SOLIDARIEDADE "GUILLERMO ROVIROSA"
Rúa do Home Santo 47, baixo (preto da estación de buses).
---
Fonte: galiciasolidaria.blogspot.com/2012/02/esta-semana.html
Para moitas de nós o exemplo e o saber compartido de persoas como Enrique Martínez Reguera foron alicerces de cousas que foron chegando máis tarde. Animamos a que leades este artigo xa que partindo da realidade da infancia máis maltratada Martínez Reguera ofrecenos moitas claves do funcioanamento do poder e das súas consecuencias:
O mundo da infancia institucionalizada segue a ser un das grandes tarefas por facer na nosa sociedade; desa loita sabe moito Enrique Martínez Reguera que leva anos ao carón deses cativos maltratados polas institucións.