renda básica

Desde a ODS-Coia e a parroquia do Cristo da Victoria queremos vos convidar a unha concentración e ao posterior acto de entrega colectiva dos recursos cos que respondemos á inadmisión da petición dunha renda básica para garantizar o dereito a vivir dignamente. O acto será o venres 20 de setembro a partires das 11h30 no edificio administrativo que a Xunta de Galicia ten en Vigo na rúa Concepcion Areal 8.

O 22 de agosto a Consellería de Traballo e Benestar respondía ao centenar de escritos presentados, exercendo o dereito de petición, esixindo unha renda básica coa que cubrir as necesidades vitais de todas as persoas.

A resposta da Xunta de Galicia pode resumirse nunha palabra: "INADMITIDAS".

O 22 de agosto chegaron as respostas da Xunta de Galiza, por letra da Consellería de Traballo e Benestar, aos escritos presentados o 27 de xuño cos que pediamos unha renda básica a través do exercicio do dereito de petición.

A resposta, que achegamos aquí: odscoia.arkipelagos.net/sites/odscoia.arkipelagos.net/files/inadmision_xunta.pdf, pode resumirse nunha palabra INADMITIDA.

Ante esta non resposta non imos quedar nin caladas, nin paradas polo que adiantamos que o venres 20 de setembro ás 11h30 estaremos no edificio administrativo da Xunta de Galiza para facer unha entrega colectiva do recurso que deixamos neste enlace: odscoia.arkipelagos.net/sites/odscoia.arkipelagos.net/files/reposicion_xunta_final.odt

Esgotaremos os camiños legais que sexan necesarios, e por iso animamos ás persoas que asinaron a folla de denuncia social que presenten o venres 20 o recurso.

Temos no punto de Coia moitas novidades de Baladre en forma de materiais á venda. Se queredes facervos con elas pásadevos o luns de 17h00 a 19h00 polos locais da parroquia do Cristo da Victoria en Coia ou avisade no mail: dereitossociais@gmail.com

As novidades son:

- Camisetas conmemorativas dos 30 anos de Baladre, só quedan tres modelos xa que as do Principiño están esgostadas. O prezo é de 10€

- Chapas 30 anos de Baladre, a 1€ a unidade.

- O último libriño de Jose Iglesias: "De la renta básica a la riqueza comunal. Dos instrumentos y un proceso hacia la sociedad comunal". O prezo dos libriños é de 3€.

Achegamos a nota de prensa ante a resposta negativa do concello (pinchando aquí) á petición dunha Renda Básica para vivir dignamente:

A Oficina de Dereitos Sociais de Coia e a Parroquia do Cristo da Victoria, dentro da campaña “VIVIR DIGNAMENTE É UN DEREITO” fixemos, o 27 de xuño deste ano, un acto de entrega masiva e pública de 92 Follas de Denuncia Social onde se solicitaba ao Concello de Vigo e á Xunta de Galicia o recoñecemento e concesión dunha renda básica de 863 €/mes, que permitise a todas as persoas cubrir as súas necesidades básicas e vivir con dignidade.

O instrumento xurídico utilizado para tal fin foi o dereito de petición, dereito constitucionalmente recoñecido e que permite á cidadanía realizar solicitudes formais sobre calquera materia competencia das administracións públicas.

O pasado luns 1 de xullo xente da ODS-Coia estivemos na reunión celebrada na parroquia de San Carlos de Borromeo (Madrid) para lanzar unha ILP pola Renda Báisca en todo o Estado. A continuación deixamos un pequeno texto resumo da reunión e un vídeo onde dúas compañeiras explican o contido do encontro:

El 1 de julio de 2013, Campamentos Dignidad de Extremadura y Comisión Frente y Sociedad del Frente Cívico Somos Mayoría hicieron un llamamiento a todos los movimientos, colectivos y personas en la Parroquia de San Carlos Borromeo (Vallecas/Entrevías - C/ Peironcely, 2 -Madrid) con el siguiente objetivo: Propuesta de una ILP de ámbito estatal ante la necesidad urgente de una Renta Básica de Ciudadanía para hacer frente a la situación de empobrecimiento y precarización de las condiciones de vida de millones de conciudadanos.

O Grupo de Dereitos Sociais e Renda Básica de Lugo organiza unha mesa redonda cos representantes dos grupos políticos que respostaron á nosa invitación, para falar do proxecto de modificación da RISGA que se está a tramitar no Parlamento de Galicia.

No acto falarán: Carmen Adán, do BNG, e Juan Fajardo, de AGE.

Será o luns 8 de xullo, ás 20:00h, no salón de actos da casa sindical de Lugo (Ronda da Muralla).

Achegamos a convocatoria da reunión que o luns 1 de xullo vaise celebrar na parroquia de Entrevias (Madrid) para falar nada máis e menos que da posibilid

O vindeiro martes 25 de xuño agardamosvos para preparar con nós os paraugas ou parasois que levaremos ao acto de peche da campaña "Vivir dignamente é un dereito" coa que a través recollida de follas de denuncia social esiximos a concello e Xunta unha renda básica que cubra as nosas necesidades básicas.

Vinde con PARAUGAS e PARASOIS ao obradoiro no que os decoraremos con lemas reivindicativos, para facer deles instrumentos que nos defendan da que está a caer en forma de: paro, inxustiza, desigualdade, desafiuzamentos, corrupción, perda de dereitos...

Quedamos o martes 25 de xuño a partires das 17h00 nos baixos da parroquia do Cristo da Victoria (rúa Baiona 9, Coia).

O xoves 27 de xuño a xente da ODS-Coia, da parroquia do Cristo da Victoria e do Grupo de Axitación Social pechamos a campaña "Vivir dignamente é un dereito" coa que a través da recollida de follas de denuncia social esiximos unha Renda Básica a Concello de Vigo e Xunta de Galicia.

Foron algo máis de dous meses de actos de rúa, mesas informativas, encontros con ducias de persoas, reunións con políticos e técnicos de servizos sociais, festas...

Como acto de peche desta campaña, non das nosas accións, o vindeiro xoves 27 de xuño convocamosvos para a seguinte mañá de actividades:

- Acto de entrega colectivo e público das follas de denuncia social no rexistro do Concello de Vigo. Na lonxa do concello ás 11h00.

- Manifestación dende o concello ata a Xunta, o percorrido será: Paseo Granada-Segunda República-Policarpo Sanz-Colón-Concepción Areal . A saída será ás 11h30 dende o concello.

- Acto de entrega colectivo e público das follas de denuncia social no rexistro da Xunta de Galicia. No edificio da Xunta (r/Concepción Areal 8) ás 12h15.

A ODS-Coia, a Parroquia Cristo da Victoria, GAS (Grupo de Axitación Social) e o Grupo O Imán queremos informar que hoxe xoves 13 de xuño organizamos un acto de

A Oficina de Dereitos Sociais-Coia, a Parroquia Cristo da Victoria, GAS (Grupo de Axitación Social) e o grupo IMÁN queremos convidarvos a que vos acheguedes pola mesa informativa que o xoves 13 de xuño ás portas de CEDRO (rúa Pintor Colmeiro 9).

O acto se desenvolverá entre as 10:30 e as 12:00 horas cunha mesa informativa sobre a campaña “Vivir dignamente é un dereito”, coa que pretendemos denunciar a dramática realidade que están a padecer moitas familias de Coia e da cidade a través da presentación masiva dun escrito exercendo o dereito de petición perante a Xunta e o Concello; escrito onde o asinante expón as súas circunstancias económicas e sociais e solicita unha Renda Básica que permita satisfacer con dignidade as súas necesidades básicas.

Baladre

Nosotras las Personas

Asociación Contra a Exclusión Social Alambique

Renta Básica das iguais