necesidades básicas

Onte presentouse no punto de información da ODS, unha muller cunha carta de Aqualia. Xa que a semana que vén lle cortarán a auga. Debe catro recibos, en total 140€.

Cobra 399€ de RISGA. Cartos cos que logo de pagar a vivenda -207 € de hipoteca- ten que pasar o mes.

A ODS-Coia, a parroquia do “Cristo da Vitoria” e o Grupo de Axitación Social (G.A.S.) convocamos un Acto de entrega colectiva do Tícket Eléctrico da Xunta baixo o lema: “Ningún negocio coas nosas necesidades”. Será o MARTES 28 de abril a partires das 10:30 no delegación da Xunta de Galicia en Vigo (no edificio da Praza da Estrela na Consellería de Industria).

A Xunta de Galicia ten aberto o prazo, até o 30 de abril, para solicitar o tícket eléctrico. Ao igual que na anterior convocatoria, consiste nunha axuda para o pagamento de parte da factura eléctrica a familias con fillos menores a cargo con ingresos que non superen 798 €/mes ou 9.585 €/ano referidos a 2013.

Hai unhas semanas solicitamos por escrito datos do número de cortes de auga realizados no Concello de Vigo nos últimos anos. A resposta, tanto de Aqualia como do Concello, é o silencio. En detalle, a petición foi ter acceso público aos seguintes datos:

- Número de cortes de subministro de auga en 2014 e 2013.

- Número de avisos de corte de subministro de auga en 2014 e 2013.

Dita petición fíxose por escrito nas dependencias que Aqualia, empresa concesionaria que pertence ao grupo FCC (segundo sinalan na súa web, a terceira compañía en xestión da auga no mundo).

Baladre

Nosotras las Personas

Asociación Contra a Exclusión Social Alambique

Renta Básica das iguais