Como cada verán, dende Baladre (Coordinación de loitas contra o paro, o empobrecemento e a exclusión social) organizamos Caravana-Marcha no mes de xullo de 2018.
Esta Caravana-Marcha confórmase como unha oportunidade única, onde mesturar o lecer e as actividades máis lúdicas, coa formación, o compartir convivencia, apoio mutuo, enredos e saberes e experiencias en diferentes territorios. Este ano, comezaremos en Galiza para rematar en Asturias, onde poderemos coñecer non só os territorios, senón as loitas e resistencias das súas xentes en diferentes temáticas, como mulleres e mundo rural, defensa do territorio, diversidade funcional e mocidade e menores.
Para apuntarche tes dúas opcións: 1) Enviar un mail a baladre@coordinacionbaladre.org
2) Chamar ao 656 902 748 (Lucía) ou ao 656 624 528 (Manolo)
Deixamos o PROGRAMA DE ACTIVIDADES:
Mércores 18, Negreira de Muñiz
Chegada
Xoves 19, Negreira de Muñiz e cidade de Lugo
Até as 15:00 en Negreira de Muñiz
De 17 a 18 h. Bico de Grau: Coñecer a iniciativa e a súa contorna
De 18 a 20 h. Presentación do poemario “ Mani Festa Che”, de Simón Lindell
21:30 h. Cea en Tapia do Casariego
Venres 20, Tapia de Casariego
Durante a mañá, compartir tarefas con xentes da Fundación Edes e a súa Leira do Cabillón.
De 17 a 19 h. Historia e realidade da Fundación Edes, na súa loita por unha Comunidade viva, que integre todas as diversidades funcionais, na comarca.
De 19 a 21 h. Mulleres no mundo rural, con Isa Álvarez e as compañeiras do territorio (Colectivos Feministas da Comarca).
Sábado 21, Tapia de Casariego
De 10 a 13 h. Presentación do libro “Menores e Mozos na Diana” co seu autor, Jipy e persoas que traballan con mozas na Comarca.
De 17 a 19 h. Defensa do Territorio.
19 h. Paseo polo bosque das Minas de Salave e Tapia do Casariego
Domingo 22, Navia
De 10 a 12 h. A Casa Azul, unha casa xeradora de vidas
De 13 a 14 h. Avaliación
14 h. Comida e despedida
