Renda Básica das iguais

[7] #DaRISGAáRBis “Desconectemos do capitalismo" da man de J.M. Busqueta

Renta Básica das iguais - Mar, 29/03/2016 - 14:13

Rematamos as presentacións da persoas e colectivos que van participar o sábado 2 nas xornadas "Da RISGA á Renda Básica das iguais" con Josep Manel Busqueta. Economista, escritor e panadeiro e membro do Seminario de Economía Crítica Taifa. Nos últimos meses Busqueta é máis coñecido pola súa militancia na CUP.

Achégase a Galiza dende Catalunya para falarnos do capitalismo. O traballo de Busqueta, e por suposto da xente de Taifa, está a ser moi útil para a cidadanía e para os colectivos que grazas á súa divulgación coñecemos mellor o sistema por dentro.

Achegamos a entrevista para Nosotras las Personas > http://audio.urcm.net/Nuevo-articulo,9662

Etiquetas:

[6] #DaRISGAáRBis “Exclusión e pobreza no capitalismo" con Albert Sales

Renta Básica das iguais - Mar, 29/03/2016 - 13:28

Dende hai tempo seguimos a Albert Sales, posto que os seus textos están a ser moi lucidos á hora de analizar a pobreza, a exclusión social dentro do capitalismo. Nas xornadas "Da RISGA á Renda Básica das iguais" falará sobre "A pobreza no capitalismo" a partires das 12:00 xunto a Leticia Castro.

Albert Sales preséntase así no seu blogue: "Son politólogo e sociólogo. Desde 2004, Profesor asociado no Departamento de Ciencias Políticas e Sociais da Universidade Pompeu Fabra. Tamén impartín docencia na Universidade de Xirona e na Universidade de Salamanca. Formo parte do Grupo de Investigación en Criminoloxía e Sistema Penal da UPF. Activista e investigador no ámbito da loita contra a pobreza e as desigualdades. No ámbito internacional traballei na Campaña Roupa Limpa e son membro fundador do Colectivo RETS e activista contra as violacións dos Dereitos Humanos e dos Dereitos Laborais que cometen sistematicamente as Empresas Transnacionais.

Desde 2011 colaboro coa Rede de Atención ás Persoas Sen Fogar de Barcelona e a miña investigación está orientada a combater a exclusión residencial e a criminalización da pobreza no espazo público. Actualmente son asesor da Tenencia de Alcaldía de Dereitos Sociais do Concello de Barcelona".

Recomendamos que visites os seus blogues > albertsales.wordpress.com evagosymaleantes.com Neles comparte, en catalá e castelán, artigos e reflexións sobre pobreza, control social, políticas sociais, persoas sen fogar...

Partillamos a entrevista en Nosotras las Personas de Radio Pimienta >http://audio.urcm.net/Nosotras-las-Personas-2015-03-17

 

Vivir en la calle Etiquetas:

[5] #DaRISGAáRBis “As empobrecidas da Galiza” da man de Leticia Castro

Renta Básica das iguais - Lun, 28/03/2016 - 13:54

Na ODS-Coia e tamén en Baladre criticamos acotío a aquelas profesionais do social que serven aos intereses do poder. Somos conscientes das dificultades para facer unha praxe liberadora e transformadora dende a educación e o traballo social, a psicoloxía, a pedagoxía... pero malia os atrancos coñecemos a moitas compañeiras que nos seus empregos son quen de argallar estratexias que avancen na transformación social. Unha delas é Leticia Castro, educadora social que traballa en contacto con moitas persoas que sofren a inxustiza da pobreza e a precariedade.

Antes do xantar, Leticia achegaranos á Galiza máis excluída, a esa Galiza que dende os poderes pretender agochar e controlar, e por suposto tamén facer rendible para continuar enchendo os petos duns poucos a costa das vidas de moitas.

Partillamos unha entrevista a Leti para Nosotras las Personas de Radio Pimienta > http://audio.urcm.net/Nosotras-las-Personas-2015-03-03

Leticia falando a partires do minuto 20.

Etiquetas:

[4] #DaRISGAáRBis "L'Olivera, cooperativa de integración social" con Clara Griera

Renta Básica das iguais - Lun, 28/03/2016 - 13:51

Seguimos coas presentación das persoas que van participar nas xornadas “Da RISGA á Renda Básica das iguais”. Logo do xantar, retomaremos a sesión de tarde da man de Clara Griera. Baixo o título “L'Olivera, 42 anos de economía social” Clara presentara o traballo desta cooperativa situada en Vallbona de les Monges, no rural catalán. L'Olivera é unha cooperativa de integración social que incorpora a persoas con dificultades e que produce viños e aceites en Vallbona de les Monges, na Catalunya rural.

Clara Griera é enxeñeira técnica agrícola e licenciada en ciencia e tecnoloxía dos alimentos, ademais de traballar na cooperativa forma parte da CUP. Achegamos a entrevista a Clara para Nosotras las Personas > http://audio.urcm.net/Nosotras-las-Personas-2014-04-08

Etiquetas:

[3] #DaRISGAáRBis "A Renda Básica das iguais unha ferramenta para a transformación social" coas xentes de Baladre

Renta Básica das iguais - Lun, 28/03/2016 - 13:49

A xente de Baladre lanzámonos a organizar as xornadas "Da RISGA á Renda Básica das iguais". En decembro de 2012 publicabamos o estudo de viabilidade da Renda Básica das iguais en Galiza, máis tarde, en maio de 2015 a edición galega do libro "Renda Básica das iguais e  feminismos". Entre medias, moitísimas actividades co obxecto de conseguir que todas teñamos o dereito a vivir con dignidade. Mentres seguimos a padecer unhas políticas sociais por parte da Xunta e dos concellos que non son máis que puras esmolas (RISGA, axudas sociais, municipais...) que lonxe de sacarnos da pobreza afondannos máis nela.

O sábado 2 de abril da man de Mari FIdalgo e Manolo S. Bayona e a partires das 17h os dous compas analizarán onde estamos (RISGA) e até onde precisamos chegar para vivir cuns mínimos (Renda Básica das iguais).

Para aquelas que non coñecemos Baladre deixamos aquí unhas pequena presentación desta coordinación:

Baladre é unha Coordinación de colectivos da Península ibérica e norte de África, así como como colectivos e persoas do cono sur americano, con diferentes sensibilidades, pero cunha vontade común: a de denunciar a desigualdade, o empobrecimiento e a exclusión en calquera das súas formas. Os colectivos que participamos na Coordinación de Baladre vímolo facendo tanto en loitas sociais puntuais e/ou a nivel local, como a nivel global, en mobilizacións estatais e internacionais tales como as Marchas contra o paro, contra a Europa do Capital ou contra o Fondo Monetario Internacional.

Unha das loitas que reforzan a Coordinación de Baladre, e que usamos como ferramenta que unifica a diversidade de reivindicacións dos colectivos e grupos que loitamos pola transformación social (vivenda digna, transporte gratis, repartición de todos os traballos, non á represión e o cárcere,...) é a loita polo dereito á Renda Básica das iguais para todas as persoas, que nos permita vivir dignamente.

Máis información neste enlace: www.coordinacionbaladre.org/noticia/baladre-30-anos-de-luchas-y-enredos-...

Compartimos tamén unha entrevista de Nosotras las Personas, programa de radio Pimienta. Deixámosvos unha entrevista que Manolo S. Bayona lle fai a Mari Fidalgo > http://audio.urcm.net/Nosotras-las-Personas-2010-12-14

Etiquetas:

[2] #DaRISGAáRBis "Erletxea, información e axitación en Irún" da man de Ruth López

Renta Básica das iguais - Lun, 28/03/2016 - 13:46

Continuamos coas presentacións das participantes nas xornadas "Da RISGA á Renda Básica das iguais". Pecharemos as xornadas coa palestra: “Os Puntos de Información e Denuncia e Asembleas de empobrecidas-precarias”. Ademais de Beatriz Lorenzo (ODS-Coia) contaremos coa presenza de Ruth López, compañeira de Erletxea, punto de información en Irún.

Así presentan na súa web (www.erletxea.org) o traballo que están a realizar: "Es una colmena de información y reflexión, de acción y agitación. Pero también es una colmena llena de creatividad y rebeldía. Es un espacio tanto físico como virtual".

Compartimos a valoración que este grupo fixo sobre o seu traballo no ano 2015 > www.erletxea.org/es/berria/2016-24-02/una-realidad-oculta-la-precariedad-y-el-empobrecimiento

Etiquetas:

[1] #DaRISGAáRBis "Como pasar de usuaria a persoa sen morrer no intento", Beatriz Lorenzo

Renta Básica das iguais - Lun, 28/03/2016 - 13:44

Dende hoxe até o venres 1 de abril iremos presentando ás persoas e colectivos que van participar nas xornadas "Da RISGA á Renda Básica das iguais" que se van celebrar en Compostela o sábado 1 de abril.

Comezamos estas presentacións con Beatriz Lorenzo Caamiña, compa da ODS-Coia. Achegamos un texto que apareece publicado na edición galega de "Renda Básica das iguais e feminismos" é un anaco dun vídeo no que ela intervén (a partires do minuto 17).

Como pasar de usuaria a persoa sen morrer no intento, por Beatriz Lorenzo Caamiña

Non me identifico coa palabra “usuaria” coa que me etiquetan nos servizos sociais aos que por desgraza tiven que recorrer por primeira vez hai catro anos. Son unha persoa. Son unha muller. Unha muller que topou de fronte na súa vida co rostro cruel da precariedade, do empobrecemento, da exclusión social da que tantas veces se fala desde a frialdade dos números, dos datos estatísticos. Unha muller que, en medio dunha situación vital moi dura, comezou a buscar saídas e tivo a sorte e a valentía de unirse a outras persoas que tamén sufrían a escaseza de recursos económicos para compartir xuntas os seus problemas, para denunciar xuntas as causas dos mesmos e a falta de respostas por parte das administración públicas, e para buscar alternativas que nos permitan vivir unha vida digna.

Moito choveu desde entón. E non resulta doado dar conta de todo o proceso vivido desde que entrei a formar parte da Oficina de Dereitos Sociais de Coia (ODS-Coia), pero unha cousa si teño clara: desde entón, desde a primeira vez que me acheguei buscando axuda (aquel paso foi moi difícil polas duras circunstancias nas que nos atopabamos a miña familia e mais eu) até agora moitas cousas cambiaron para min e tamén para as persoas coas que pasei pouco a  pouco a compartir o día a día e as loitas.

Non é que a nosa situación non siga a ser moi dura. Non. Seguimos padecendo as graves consecuencias de non ter recursos suficientes para cubrir as necesidades básicas e para vivir dignamente, seguimos facendo o imposible e dando voltas e máis voltas para conseguir pagar o aluguer, os recibos ou simplemente para comer..., seguimos a atopar unha e outra vez o silencio ou o “non hai cartos” por parte de quen ten a obriga de garantir os nosos dereitos; pero a diferencia está en como nos sentimos hoxe: persoas con dereitos e con forza para esixir que eses dereitos sexan respectados. Xa non estamos soas e iso marca a diferencia. Porque compartir os nosos problemas en grupo, tomar conciencia de que se trata de problemas sociais que afectan a moitas persoas, reflexionar sobre as súas causas, poñernos a idear formas de denunciar publicamente a inxustiza que padecemos e buscar alternativas conxuntamente para o día a día..., dános forzas e fainos menos vulnerables. Xa non estamos soas, xa non nos sentimos pouca cousa, ou mesmo nada, fronte aos poderes que unha e outra vez queren convencernos de que a culpa é nosa, de que non sabemos ou non queremos, de que os nosos problemas pouco teñen que ver con eles, de que non son responsables e de que non temos dereito a esixirlles unha resposta inmediata e xusta...

Tiven a desgraza de coñecer o mundo da exclusión social desde dentro, porque me tocou, porque lle tocou á miña familia: a miña experiencia cos servizos sociais foi e segue a ser moi dura. Acudín a eles buscando unha resposta á precariedade e á escaseza de recursos económicos que afogaba á miña familia e as respostas, cando as houbo, foron sempre parciais e absolutamente insuficientes. Con frecuencia sentín que era xulgada; sentín indiferenza, desprezo, rexeitamento; sentín que, ante os meus problemas, as respostas eran trabas e máis trabas...

Por circunstancias da vida vinme na obriga de acudir en 2010 por primeira vez á administración coa esperanza de atopar unha saída ao que se nos viña enriba: un desafiuzamento. Xa me vía na rúa con tres fillos, era unha persoa rota e afundida, e cheguei coa esperanza de atopar unha axuda nun momento desesperado, pero pola contra o que sentín foi que se pechaba outra porta.

Todas as miñas expectativas do que ía atopar ao acudir aos servizos sociais cambiaron radicalmente tras ese primeiro contacto. A teoría me dicía que alí atoparía solucións, en primeiro lugar para o inminente desafiuzamento. Pero a realidade era outra e batín contra ela dun xeito cruel. En todo caso, o máis duro non foi verme na rúa, o máis duro foi comprobar que non era dabondo para a administración que eu demostrara que a miña familia carecía de recursos económicos para facer fronte a aquela situación e ao día a día; o máis duro foi, en definitiva, constatar que eu era un número e que carecía de dereitos...

A única resposta ese día (ademais de deixarme claro que non había unha vivenda social para min, que non tiñan ningunha solución ante o desafiuzamento e tampouco ante a falta de recursos para as necesidades básicas, e que non me quedaba outra que buscarme a vida) foi que me achegara á ODS-Coia na Parroquia Cristo da Vitoria para ver como me podían axudar. A administración non cumpría coa súa obriga de garantir os meus dereitos básicos nunha situación crítica e a única resposta real que me daba era que acudira a un colectivo comprometido coa realidade da exclusión e a xustiza social. Eu non entendía nada, pero me acheguei... E aí comezou outra historia e ese encontro coa xente da ODS foi o único bo que saquei aquel día da miña primeira visita aos servizos sociais municipais.

Na oficina tiven a oportunidade de comprobar que o que me estaba a ocorrer era tamén a realidade que sufrían moitas outras persoas e familias; atopei información e me acompañaron para dar os primeiros pasos para atopar saídas, alternativas para a miña vida; pero tamén confirmaron algo máis importante: tiña e teño dereitos coma persoa, dereitos que han de ser respectados e garantidos (tamén e, en primeiro termo, polas administracións públicas), dereitos polos que paga a pena loitar...

O que comezou así, coa miña visita puntual os días de atención da ODS en busca de información e axuda, foi dando paso a xuntanzas quincenais onde persoas con situacións moi semellantes á miña, sempre moi duras, compartiamos o que nos estaba a acontecer, analizabamos as causas e buscabamos conxuntamente o xeito de reclamar os nosos dereitos buscando solucións reais para os problemas persoais e colectivos. Pouco a pouco, case sen decatarnos, estabamos dando a luz á “asemblea dos martes”, como agora a coñecemos.

Nese camiño que alí comezaba, en paralelo a esa experiencia de ir organizándonos e compartindo loitas, tiven que volver en varias ocasións aos servizos sociais, sempre pola falta de traballo e de recursos económicos. Tiven que solicitar axudas de emerxencia para facer fronte ao aluguer, aos gastos de alimentación ou aos de subministración... Poucas veces  obtiven ditas axudas puntuais e case sempre tiven que buscar solucións noutros espazos...

Os últimos tempos foron duros tamén no persoal e familiar, pois tiven que solicitar a RISGA. Os meses e meses que hai que sobrevivir con ingresos cero desde que a solicitas até que finalmente é concedida (ou non) son un atranco dificilmente salvable e moi cruel, sen que haxa ningunha alternativa real por parte dos servizos sociais. E por fin, cando xa a tes concedida, experimentas nas propias carnes que a contía é totalmente insuficiente para facer fronte ás necesidades máis elementais.

Está claro que o camiño está cheo de atrancos e de inxustizas, e que ás veces parece que non hai saída... Non é doado. Non, pero agora temos a experiencia de que é menos difícil se o facemos conxuntamente. Hoxe en día, no medio dos atrancos e das dificultades, non esquezo que son unha persoa. Nunca mais me recoñecerei no termo “usuaria”, por moito que pretenderan impoñermo desde a administración. Somos persoas con dereitos, persoas que teñen como meta vivir dignamente e que van construíndo alternativas e conseguindo paso a paso ser donas das súas vidas.

Etiquetas:

2 abril - Jornadas: "Da RISGA á Renda Básica das iguais"

Renta Básica das iguais - Sáb, 26/03/2016 - 23:44

Prestacións de 400€ concedidas con meses de atraso e despois dunha morea de trabas burocráticas e controis por parte dos servizos sociais. No mellor dos casos, acceder a un contrato de sete meses de contía inferior ao salario mínimo interprofesional, tras o cal non está permitido renovar o cobro da prestación. Ou a caridade.

Estas son as respostas dispoñibles a día de hoxe para facer fronte á situación de emerxencia social que afecta a unha de cada catro persoas en Galiza (o 23,8% da poboación que se atopa en “risco” de pobreza ou exclusión). Para moitas máis, que sufrimos as dificultades de soster a vida cada día mais non cumprimos os requisitos de pobreza establecidos, as opcións pasan polo mercado laboral precarizado.

As xentes de Baladre deixamos a un lado os termos difusos (cambio, progreso, transversalidade, reformismo, benestar....) para abordar propostas concretas que garantan o dereito a unha vida digna e contribúan a procesos de transformación radicais.



Para iso organizamos unhas xornadas de reflexión e debate nas que partiremos dunha radiografía do actual escenario do capitalismo depredador, examinando o papel que xoga a pobreza e as consecuencias desta para aquelas persoas que se atopan nas posicións de maior vulnerabilidade e exclusión, poñendo o foco na situación das mulleres.

O contraste farémolo con propostas que xorden desde a economía social e da loita polos dereitos sociais e polo reparto da riqueza. Unha loita que pasa por informar, visualizar e denunciar. Mais tamén por deconstruír o empobrecemento como un fracaso individual e por crear vínculos políticos desde os que arrancar o dereito a vivir dignamente.

- - -

Xornadas: “Da RISGA á Renda Básica das iguais”

Sábado 2 abrilNa A Gentalha do Pichel (r/Santa Clara 21 - COMPOSTELA)

10:00 - Presentación da xornada.

10:15 a 11:45 - “Planeta carroña. O capitalismo actual e as súas consecuencias”, a cargo de J. M. Busqueta (Seminari Taifa)

12:00 a 14:00 - “O seu benestar e o noso malestar”:

- “A función da pobreza no capitalismo”, a cargo de Albert Sales (sociólogo e profesor de universidade Pompeu Fabra)

- “A Galiza máis excluída”, a cargo de Leticia Castro (educadora social)

Xantar

16:00 a 17:00 - “L'Olivera, 42 anos de economía social”, a cargo de Clara Griera (Cooperativa L'Olivera)

17:00 a 18:30 - “Da RISGA á Renda Básica das iguais”, a cargo de Mari Fidalgo e Manolo S. Bayona (Baladre)

18:30 a 19:30 - “Os Puntos de Información e Denuncia e Asembleas de empobrecidas-precarias”:

- Ruth López (Punto de Información Erletxea en Irún)

- Beatriz Lorenzo (ODS-Coia)

19:30 - Lectura das propostas recollidas na xornadas

Etiquetas:

Encuentro Andaluz de Renta Básica de las Iguales

Renta Básica das iguais - Dom, 13/03/2016 - 18:35

La Plataforma Andaluza de la Renta Básica de las Iguales, es un espacio que lleva mas de 5 años trabajando en tres lineas claras: Divulgación, Formación y Acción Directa por los Derechos Sociales y especialmente por la Renta Básica de las iguales. Las gentes de la Plataforma venimos practicando la cultura del Encuentro, sin siglas o con las siglas de todas, de forma autogestionaria y horizontal. Siendo una herramienta para compartir reflexiones y practicas, así como para coordinar posibles acciones conjuntas.

El 2 de Abril en Ecija nos encontraremos con el siguiente programa:

  • 10:00 Presentación del Encuentro
    • Se hará un breve recorrido por el pasado y presente del recorrido de la Plataforma Andaluza por la Renta Básica de las Iguales y sus propuestas.
  • 10:30 a 12:30: Mesa redonda. Con la participación de:
    • Con turnos breves, remarcando algunas ideas fuerzas y para que nos sirva para el debate.
      • Celia Garcia (La Madeja): Cuidados y Feminismos
        • De la mano de la compañera Celia Garcia escritora habitual en una de las Revistas Feministas mas prestigiosas del estado, nos situará como estamos a nivel de cuidados y cuales son algunas de las luchas feministas actuales.
      • Raúl Navarro (Plataforma Andaluza por la RBIS): Vivienda
        • Raúl ha centrado parte de sus investigaciones en como esta la situación de la vivienda en Sevilla. Central en la consecución del derecho a techo incondicional y universal.
    • Curro Cubero (ADA Alcalá de Guadaira): Municipalismo
      • Curro Cubero es parte de un proceso municipalista en su Alcalá de Guadaira. Su asamblea es una de esas rareza que ha conseguido motivar a las vecinas a luchar por su pueblo en temas ambientalistas y sociales desde la horizontalidad y no en claves partidarias.
    • Oscar G. Jurado (Autonomía Sur): Empleo y Cooperativismo
      • Desde Autonomía Sur están empeñadas en que conozcamos la realidad de nuestro territorio, están realizando una labor encomiable y buena parte de la culpa la tiene Oscar G. Jurado. Conocer Andalucia es el primer paso para una transformación social profunda.
  • 12:30 a 14:00: Acción de Kalle: Mercado de esclavos
    • Demostrando que lo divertido y lo reivindicativo pueden ir de la mano, saldremos a la calle a denunciar el mercado laboral, ese espacio “difuso” que ha roto nuestras vidas.
  • 14:00 a 16:00: Almuerzo.
    • Sabrosa gastronomía Andaluza para el paladar de las asistentes.
  • 16:00 a 19:30 Asamblea de la Plataforma Andaluza:
    • Mapeo de los territorios, de los grupos y personas.
      • Se hará una ronda donde podremos exponer en que estamos trabajando sociopoliticamente en la actualidad.
    • Puesta en Común de las ponencia de la mañana.
      • Por grupos, destinaremos unos 20 minutos a poder hilar el debate de la mañana con nuestra realidad mas inmediata.
    • Próximas acciones
      • Pondremos sobre la mesa propuestas para seguir desarrollando en nuestros territorios.
    • Varios
    • Próximo encuentro

La asistencia es libre para toda persona interesada en la transformación<p> social, si quieres mas información, hacer alguna pregunta o confirmarnos que acudes mándanos un correo electrónico: andaluciarentabasica@gmail.com

Búscanos en: https://www.facebook.com/andaluciaporlarbis.rentabasica/ 

Etiquetas:

Presentación en Ourense: Renda Básica das iguais e feminismos

Renta Básica das iguais - Xov, 10/03/2016 - 22:58

Este venres 11 de marzo a nosa compa, Mari Fidalgo, presentará en Ourense o libro: "Renda Básica das iguais e feminismos. Da centralidade do emprego á centralidade da vida".

Será no local de A Galleira (Praza San Cosme - Ourense) a partires das 20h00.

Así o presentan a xente de A Galleira no seu perfil de facebook: "Queres saber de que se fala cando se fala de RBIS? Pasa pola Galleira que logo hai foliada!".

Etiquetas:

[Málaga] La Renta Básica desde una perspectiva feminista

Renta Básica das iguais - Mér, 09/03/2016 - 10:45

El sabado 12 de Marzo y en el contexto de un Marzo Feminista, Mary Arrabali (Plataforma Andaluza por la RBis) impartira una charla sobre la necesidad de una Renta Basica desde una perspectiva feminista y comunitaria. Será en el "Er LLano" (C/Tejare, 7) a las 18:30 abierta a toda persona interesada en poder debatir sobre esta importante herramienta de transformacion social.

Despues de la charla se disfrutara de un sabroso y distendido picoteo.

 Más información: https://www.facebook.com/events/1577315665919630

Por si quedan con ganas de más Renta Basica de las Iguales, podrán acudir al Rincon de la Victoria el Martes 15 de Marzo a las 19:30 en la Cafeteria La Minima > https://www.facebook.com/events/1697540667190838/?active_tab=posts

Etiquetas:

[A Coruña] Presentación de "Renda Básica das Iguais e Feminismos"

Renta Básica das iguais - Dom, 17/01/2016 - 10:43

Presentamos o libro Renda Básica das Iguais e Feminismos. Da centralidade do emprego á centralidade da vida, editado polas xentes de Baladre (Coordinación de grupos e persoas cotra o paro, o empobrecemento e a exclusión social). Ver tamén “Renda Básica das Iguais e moito máis”.

Xoves 21 de xaneiro ás 19:30h
na Librería Berbiriana
Rúa Santiago, 7 - Porta Real (A Coruña)

Cunha base firme de traballo continuado durante 30 anos na proposta da Renda Básica das Iguais, realizado polas xentes de Baladre, e motivadas pola necesidade de identificar as nosas aspiracións colectivas, na procura dunhas vidas dignas e plenas, desde o ano 2012 dedicámonos a reflexionar e discutir sobre as contribucións que esta proposta de reparto da riqueza podía ofrecer á loita feminista e viceversa. Todo o partillado e aprendido neste tempo está recollido neste libro.

Dámoslle unha volta á centralidade do emprego nas nosas vidas, que cremos que debemos substituir polos coidados, afectos, relacións e participación de xeito equitativo e en equilibrio co medio, para crear esa sociedade á que aspiramos de persoas libres e plenas.

Etiquetas:

Baladre

G.A.S.

Nosotras las Personas

Asociación Contra a Exclusión Social Alambique

Renta Básica das iguais