Que é a ODS - COIA?

A ODS-Coia ofrece información alternativa sobre prestacións sociais (tipos de axudas, contías, requisitos, documentación, onde dirixirse...) e acompañamento na denuncia da pobreza e da precariedade. Ademais disto contamos tamén cunha avogada que nos bota unha man en cuestións legais.

O fin é avanzar - ou non retrodecer - no recoñecemento dos dereitos sociais e facer visible a pobreza e a exclusión na que viven moitas persoas do noso arredor.

As administracións - Concello de Vigo e Xunta de Galicia - son as encargadas de xestionar os recursos necesarios para atender ás persoas que por calquera causa pódense atopar en situacións carenciais. O problema está en que tanto na parroquia como noutros grupos detéctamos que a administración lonxe de corrixir as desigualdades que xera o sistema neoliberal está aumentando a brecha.

Por isto abrimos un servizo ao marxe das administracións que proporcionase información aos potenciais solicitantes de prestacións sociais (natureza das axudas, contías, requisitos, documentación, onde dirixirse...) e que xuntara ademais a denuncia da pobreza e da precariedade no noso entorno.