espazo aberto antimilitar

Chega o tempo de facer as declaracións da renda e tamén de facer Obxección Fiscal aos Gastos Militares. A xente do Espazo Aberto Antimilitar lanza esta campaña de desobediencia. Achegamos o texto de presentación da mesma e lembrade que se precisades información de como facer a OF podedes visitar a súa web: www.nonaogastomilitar.org

Dende o Espazo Aberto Antimilitar seguimos, outro ano máis, animando a facer obxección fiscal en contra dos gastos militarizados. Deixamos o texto de presentación da campaña 2013:

O presuposto do Ministerio de Defensa para o ano 2013 é de 5.937 millóns de euros o que, sendo unha barbaridade, supón un descenso do 6,01 % con respecto ao ano anterior. De feito, o presuposto deste Ministerio leva baixando dende o ano 2000, redución que provoca certa inquietude e indignación entre os mandos e responsables militares.

As compañeiras do Espazo Aberto Antimilitar lanzan un ano máis a campaña de desobediencia á guerra na que piden que fagamos obxección fiscal aos gastos militares. Tamén facemos mención a campaña estatal "¿reCORTAR? sí, lo militar".

Deixamos o texto da campaña OFGM do Espazo Aberto Antimilitar, que este ano se centra na denuncia da industria militar:

No ano 2011, o gasto militar do Estado español ascendeu a 47 millóns de euros… cada día. Case dous millóns de euros á hora, nun país no que a única música que se escoita é a do recorte: recortes en educación, en sanidade, en dereitos, en medios de subsistencia; en vida. Ademais, o Goberno recoñece unha débeda por gastos militares de, polo menos, trinta e seis mil millóns de euros. Xa nos podemos facer unha idea de como se vai pagar.

Un ano máis as compañeiras do Espazo Aberto Antimilitar lanzan a campaña pola Obxección Fiscal aos Gastos Militares que este ano leva por título: “Eles non o farán, fagámolo nós: Recortemos o Gasto Militar”.

Na web do Espazo podemos ler que a Obxección Fiscal (OF) é un acto de Desobediencia Civil que consiste en, á hora de facer a Declaración da Renda, non pagar ao Estado os cartos que este dedica á guerra e á sua preparación. A OF non supón evadir impostos, senón desviar cara proxectos sociais a cantidade que sería destinada a fins militares.