RBiS

A Renda Básica das Iguais

Dende a ODS-Coia asumimos a defensa e a mellora da proposta da Renda Básica das Iguais (RBis), tarefa na que non faltan os apoios de moitos grupos e colectivos.

Definimos a RBis como o dereito que ten cada cidadán e cada cidadá, polo feito de nacer, a percibir unha cantidade periódica para cubrir as súas necesidades materiais.

19/04 Charla/Xuntanza: A ILP pola Renda Básica

A Iniciativa Lexislativa Popular pola Renda Básica para moitas persoas e colectivos é unha ferramenta para buscar saídas a esta tolemia de vida que nos propón o capitalismo.

Aínda non están os pliegos para a recollida de sinaturas, pero en nada os teremos e comezaremos coa recollida do medio millón de sinaturas. En Galiza hai varias localidades nas que xa hai persoas e grupos que van participar neste movemento, por iso coa idea de dar a coñecer esta ferramenta e tamén para tratar de organizarmos aquelas que imos estar metidas estes meses nesta andaina convocamos unha charla/xuntanza baixo o título: "A ILP pola Renda Básica". Estará dinamizada polo compañeiro de Baladre, Manolo S. Bayona nos locais da parroquia do Cristo da Victoria (Baiona 9, Coia - Vigo) o sábado 19 de abril a partires das 11h30.

Asina a Iniciativa Lexislativa Popular (ILP) pola Renda Básica

ASINA o texto da Iniciativa Lexislativa Popular pola RENDA BÁSICA

Esixe os teus dereitos: Renda Básica das Iguais XA!

Ante o empobrecemento, a precariedade e a marxinación que nos impoñen, únete a nós para dicir BASTA!

Asina esta iniciativa para esixir aos representantes políticos a implantación dunha Renda Básica a nivel estatal.

11/04 - Charla en Sada sobre a Renda Básica das Iguais

A Asociación Kanguras, Criando en brazos, presenta o vindeiro venres 11 de abril, ás 18h00, no local da Cámara Agraria de Riobao (Sada) unha charla informativa sobre a Renda Básica das Iguais a cargo da compañeira de Baladre María Fidalgo.

Exclusión social, pobreza, desigualdade de oportunidades, marxinalidade, dor, sufrimento, fame.

Renda Básica das Iguais. Recuperando a dignidade.

“Hai que conseguir unha situación na que o ciudadán alcance e dispoña dunha nova dimensión da responsabilidade individual, entendida dende a liberdade e non dende a cruda necesidade (...)”

Dereitos só para unha minoría? en Fervenzas, revista galega de Traballo Social

Fervenzas, a revista galega de traballo social que edita o Colexio Oficial de Traballo Social de Galicia acaba de saír do prelo. No número 16 recolle a nosa participación dentro da sección chamada "Espazo Aberto" cun texto que leva por título: Dereitos só para unha minoría? e que aquí compartimos:

Neste artigo queremos presentar a experiencia da Oficina de Dereitos Sociais de Coia (ODS-Coia), punto de información e denuncia de dereitos sociais que desde finais do ano 2007 comezou a funcionar neste barrio vigués.

Nacer e vivir en Coia implica para a xente da ODS-Coia[1] asumir a historia dun barrio obreiro, neste caso, espazo creado nos anos 60 respondendo á necesidade de man de obra que precisaba a industria da cidade (Citroën, Vulcano, Barreras...).

Sábado 22: Presentación da Renda Básica das Iguais na Guarda

Este sábado 22 de febreiro, ás 19:30, o centro social Fuscalho (fronte á Atalaia da Guarda) contará coa presenza de Mari Fidalgo para nos mostrar a Renda Básica das Iguais desde unha ollada feminista: Da centralidade do emprego, á centralidade da vida.

A Renda Básica das Iguais consiste no dereito da cidadania a percibir unha contía periódica para cubrir as súas necesidades materiais de xeito incodicional, individual e universal. Preséntase como um instrumento de loita a disposición e todos os colectivos comprometidos na transformación do sistema capitalista.

4/02: Charla en Ourense co alumnado de Traballo Social sobre a RBis

Como sinalabamos hai uns días o mes de febreiro vai vir cargado de actividades sobre a renda básica das iguais en Galiza.

Unha delas será co alumnado de Traballo Social no campus de Ourense da Universidade de Vigo. Con eles estará Manolo S. Bayona o martes 4 de febreiro a partires das 11h30 animando a reflexión na charla que leva por título: "Da RISGA á Renda Básica das iguais". O acto vaise celebrar no sala multiusos da facultade de ciencias de educación (Ourense).

Charla en Lugo: Da centralidade do emprego á centralidade da vida. A Renda Básica das iguais

O mércores 5 de febreiro celébrase no local de A Cova da Terra (Lugo) a charla: "Da centralidade do emprego á centralidade da vida. A Renda Básica das iguais". Manolo Saez Bayona e Mari Fidalgo farán unha presentación desta ferramenta de loita contra o capitalismo e o heteropatriarcado. O acto comezará ás 20h00.

Achegamos algunhas preguntas que lanzan as organizadoras desta actividade:

Ata cando imos seguir loitando polo emprego cando desde todos os sectores se admite que o plena emprego non vai existir nunca?

Por que entón non poñer claramente no centro ás persoas e unha vida digna para todas?

Distribuir contido